Diambulula dia malu a mu Mpuilu wa Tshijengu
Nenukonkonone tshiena-bualu etshi bua kuanji kumona malu alongeshabu mu mpuilu wa tshijengu wa tshidimu tshia mudimu tshia 2005 ne pashishe kuambulula. Tshiena-bualu tshia “Mushindu mupiamupia wa kuambulula programe ya mpuilu” tshidi mu dibeji 4 dia tshisakidila etshi, ntshiumvuije mushindu wa kuenza. Panudi nuenda nuambulula malu aa, kushiyi lukonko nansha lumue to. Diambulula edi didi ne bua kushindamena pa mushindu utudi mua kutumikila malu atuvua balonge.
TSHITUPA TSHIA MU DINDA TSHIA DITUKU DIA KUMPALA
1. Ntshinyi tshiatuambuluisha bua kupeta meji adi afumina kudi Nzambi?
2. Mmudimu kayi mukole uvua bantu ba mu tshijengu tshietu benze bua kumona mua kuyisha bantu ba bungi lumu luimpe?
TSHITUPA TSHIA MU MAPINGAJA TSHIA DITUKU DIA KUMPALA
3. Bua tshinyi bena Kristo kabena ne bua kunyanguka munda muabu? Bualu ebu budi butulomba bua kuenza tshinyi?
4. Mmunyi mutudi mua kusomba mu ditalala ne bana betu?
5. Kuikala mutshintshikidi wa malu kudi kumvuija tshinyi, ne mmunyi mudibi mua kumueneka mu mushindu utudi tuenza mudimu ne dîba dietu?
6. Tshilejilu tshia Shaula ne tshia Noa bidi bitulongesha tshinyi? Mmu mishindu kayi mutudi mua kuleja ne: tudi ‘badiakaje bua kutumikila’? (Yak. 3:17)
7. Mmunyi mudi bena Kristo mua kuepuka kuikala ne nsombelu wa buena mpala ibidi?
8. Mmunyi mutudi mua kuidikija Paulo mu diakula ne meji a Nzambi?
TSHITUPA TSHIA MU DINDA TSHIA DITUKU DIBIDI
9. Bua tshinyi tudi ne bua kuikala ne ntema ya bungi patudi tusungula malu atudi tuenza, ne ntshinyi tshiatuambuluisha bua kuenza nunku?
10. Mbukole kayi budi bantu badi mu tshijengu tshietu benza bua kuikala kubuela mu bisangilu pa tshibidilu, ne mmasanka kayi adibu bapete?
11. Mmunyi mudi bamfumu ba mêku mua kukolesha bena mu mêku abu?
12. Mmajinga kayi adi tshijengu tshietu nawu?
TSHITUPA TSHIA MU MAPINGAJA TSHIA DITUKU DIBIDI
13. Anu muvuabu babileje mu muyuki wa patoke, mmidimu kayi mimpe idi meji adi afuma mu diulu apatula?
14. Bua tshinyi ki mbimpe kudieyemena anyi kueyemena bantu badi kabayi ne meji a Nzambi? Mmu malu kayi atudi ne bua kuikala badimuke?
15. Meji a Nzambi adi atukuba ku mateyi kayi?
16. Bua tshinyi mbimpe tutumikile mibelu ivuabu batupeshe mu mpuilu wa tshijengu?