Ndongamu wa Bisangilu bia Mudimu

Lumingu lua dia 13 Kabitende

Musambu 43

Min. 12: Mamanyisha a mu tshisumbu ne makuabu makanyine a mu Mudimu wetu wa Bukalenge. Bikala ngenyi idi mu dibeji 4 mikale ikumbanyina teritware wa tshisumbu tshienu, enzayi manaya a tshilejilu pa mushindu wa kufila Tshibumba tshia Nsentedi tshia dia 15 Kabitende ne Réveillez-vous! wa dia 22 Kabitende. Nudi mua kuenza manaya aa ne ngenyi mikuabu kabidi. Panyima pa dinaya dionso, ushindike mu mêyi makese malu adi ne dikuatshisha avuamu.

Min. 15: “Tuikale ne dîsu dimpe.”a Wela nkonko idi mifunda. Pikalaku dîba, udi mua kumvuija mvese idi mitela.

Min. 18: Bamonyi ba bienzedi bietu bimpe. (1 Pet. 2:12) Muyuki ne diyikidilangana ne bateleji dimanyine pa Tshibumba tshia Nsentedi tshia mu dia 1 Kasuabanga 2002, dibeji dia 12-14 tshikoso 14-20. Lomba bateleji bua balonde mushindu udi bantu ba muaba unudi basombele bangata malu etu mimpe adibu bamona.

Musambu 162 ne disambila dia nkomenu.

Lumingu lua dia 20 Kabitende

Musambu 88

Min. 10: Mamanyisha a mu tshisumbu. Uleja ngenyi minene idi mu mukanda wa kudi biro bia filiale, udi mu dibeji dia kumpala dia Mudimu wetu wa Bukalenge eu. Kankamija bantu bonso bua kubala Nomba 16:1-35 ne kutangila bande wa video wa Respectons l’autorité de Jéhovah bua kudilongolola ku Tshisangilu tshia Mudimu tshia mu lumingu lua dia 4 Kasuamansense.

Min. 15: Ntshinyi tshituvua benze tshidimu tshishale? Muyuki kudi mukulu muashila pa luapolo lua mudimu lua bena mu tshisumbu bua tshidimu tshia mudimu tshia 2004. Wimanyine pa malu mimpe adi amueneka mu luapolo ne ela tshisumbu kalumbandi bua malu mimpe onso adibu benza. Uleja mudimu mulenga muenza ne muoyo mujima wa bampanda-njila. Uleja kabidi bualu bumue anyi abidi adi tshisumbu mua kutamba kutabalela bua tshidimu tshikuabu tshia mudimu.

Min. 20: Tutungunukayi ne kuenza malu mimpe. (Gal. 6:10) Wela bampanda-njila ba pa tshibidilu babidi anyi basatu nkonko ne nansha aba bavua bampanda-njila bambuluishi ku musangu ne ku musangu. Ntatu kayi ivuabu bapeta mu mudimu wabu wa Yehowa ne mmunyi muvuabu bayitshimune? Ntshinyi tshivua tshibambuluishe bua kunanukila mu dienzela bakuabu malu mimpe? Mushindu kayi uvua didifila diabu mu mudimu wa bena Kristo dibambuluishe bobu bine ne diambuluishe kabidi bantu bakuabu? Pikalabi bikumbane, udi mua kusakidila kabidi malu adi atangila tshinudi benza mu tshisumbu bua kuambila bantu badi bakula miakulu mikuabu lumu luimpe. Ela bonso kalumbandi bua ‘mudimu wabu mukole ne dinanukila diabu.’​—1 Tes. 1:2, 3.

Musambu 103 ne disambila dia nkomenu.

Lumingu lua dia 27 Kabitende

Musambu 221

Min. 15: Mamanyisha a mu tshisumbu. Luapolo lua konte. Vuluija bamanyishi bua bafile luapolo yabu bua ngondo wa tshitema. Leja mu dinaya mushindu wa kufila Tshibumba tshia Nsentedi tshia dia 1 Kasuamansense ne Réveillez-vous! wa dia 8 Kasuamansense.

Min. 10: Dîyi dia Yehowa didi ne muoyo. Muyuki. Bua kutuambuluisha bua kupeta malu mimpe a bungi ku programe wa dibala dia Bible dia ku lumingu luonso mu Kalasa ka Mudimu wa Nzambi, mulongolongo wa biena-bualu: “Dîyi dia Nzambi didi ne bukole” mbituadije kupatuka mu imue nimero ya Tshibumba tshia Nsentedi. Ku diambuluisha dia Tshibumba tshia Nsentedi tshia dia 15 Kabitende 2004 dibeji dia 24-27, leja amue malu masunguluke a mu biena-bualu ebi. Panyima pa bamana kufila tshikepeshilu tshia nshapita bungi kampanda, kudi kulua tshitupa tshia “Mandamuna a nkonko ya mu Bible,” tshidi tshiumvuija imue mvese mikole. Malu adi muinshi mua ka-mutu ka bualu “Malongesha adi atutangila” adi atuleja mushinga wa kutumikila malu atudi babale. Konkonona bimue bilejilu bisunguluke bua kuleja mushindu udi biena-bualu ebi mua kutuambuluisha bua kupeta lumvu luimpe lua Dîyi dia Nzambi. Kankamija bantu bonso bua kukuata mudimu ne biena-bualu ebi bipiabipia kubangila ku lumingu ludi lulua elu patuabanga kubala Dutelonome.

Min. 20: “Kuata mudimu bimpe ne Bible.”b Ela nkonko idibu bafile. Mbuelelu webe ikala muimanyine pa ngenyi idi mu mukanda wa Kalasa ka Mudimu dibeji dia 145 tshikoso 2-3. Ulongolola kabidi manaya a bilejilu abidi mîpi, dimue dileja dipetangana ne muntu bua musangu wa kumpala ne dikuabu dipinganyina muntu, mikale aleja mushindu wa kuenza mudimu ne ngenyi eyi.

Musambu 38 ne disambila dia nkomenu.

Lumingu lua dia 4 Kasuamansense

Musambu 5

Min.  5: Mamanyisha a mu tshisumbu.

Min. 15: Majinga a tshisumbu.

Min. 25: “Tudi ne bua kunemeka bukokeshi bua Yehowa.” Bala Yuda 11, ne mêyi ebe a mbangilu kaapitshi pa minite ibidi to. Pashishe ubuele diakamue mu diyikidilangana ne bateleji pa kuela nkonko idi mu tshiena-bualu. Wimanyina pa lungenyi lua ne: bua Yehowa kutuanyisha, tudi ne bua kuepuka lungenyi lua Kola ne kuidikija mmuenenu wa bana bende ba balume bavua kabayi balekele tshintu nansha tshimue bua tshiangate muaba wa kumpala kupita lulamatu luabu kudi Yehowa. Binuikala kanuyi ne bande wa video eu, nudi mua kutangila ngenyi idi mu Tshibumba tshia Nsentedi tshia dia 1 Tshimungu 2002 mu tshiena-bualu: “Tukokelayi bukokeshi bua Nzambi ne lulamatu.”

Musambu 99 ne disambila dia nkomenu.

[Mêyi adi kuinshi]