Ndongamu wa Bisangilu bia Mudimu

Lumingu lua dia 14 Luishi

Musambu 174

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Bikala ngenyi idi mu dibeji dia 8 mikumbanyine teritware wenu, nuenze nayi dinaya dia tshilejilu pa mushindu wa kufila Tshibumba tshia Nsentedi tshia dia 15 Luishi ne Réveillez-vous! wa dia 22 Luishi. Leja mu tshikoso mushindu unudi mua kuakaja ngenyi ya mua kutuadija kuyukila bimpe ne bantu bua kukumbananganayi ne teritware wenu.​—Tangila Mudimu wetu wa Bukalenge wa Tshiongo 2005, dib. 8.

Min. 35: “Tshikondo tshia Tshivulukilu ke dîba dia kuvudija mudimu.”a Wenzabu kudi mutangidi wa mudimu. Panudi nukonkonona tshikoso 6, usakidile ngenyi idi mu Réveillez-vous! wa dia 8 Kabitende 2004 dibeji dia 12-13. Umanyishe mêna a bantu badi bangate bumpanda-njila buambuluishi. Leja programe wa pa buende udibu balongolole bua bisangilu bia mudimu wa buambi. Ukankamije bantu bonso bua kuvudijabu mudimu wabu wa buambi mu tshikondo etshi tshionso tshia Tshivulukilu.

Musambu 14 ne disambila dia nkomenu.

Lumingu lua dia 21 Luishi

Musambu 31

Min. 10: Mamanyisha a mu tshisumbu. Konkonona malu manene adi mu kazubu kadi mu dibeji 6 ka ne: “Tubambuluishe bua bayukile kabidi ne Bantemu.” Kankamija bantu bonso bua kuuja diakamue formilere wa Intérêt à suivre dans une langue étrangère (S-70a) misangu yonso padi dijinga dimueneka.

Min. 20: “Tuelayi Yehowa tuasakidila bua luse luende lujalame.”b Manyisha dîba ne muaba wenzekela Tshivulukilu, dîna dia ngamba-malu ne malu makuabu kabidi adi ne mushinga. Panudi nukonkonona tshikoso 4, wenzeje dinaya dia tshilejilu dîpi dikale dileja mudi mumanyishi ubikila muntu kampanda utuye ushila bibejibeji pa tshibidilu mu Tshivulukilu. Ku ndekelu kua Tshisangilu tshia mudimu etshi, nudi mua kuabanyina bamanyishi tubeji tua dibikila natu bantu mu Tshivulukilu binuikala bamane kutupeta.

Min. 15: “Tulombolayi malonga a Bible mimpe: Tshitupa 6.”c Nulongolole dinaya dia tshilejilu dia minite inayi mudi mulongi wa Bible ukonka udi umulongesha ne: bua tshinyi anu bantu bakese menemene ke bavua badie diampa ne banue mvinyo mu Tshivulukilu? Mulongeshi udi umuela tuasakidila bua lukonko luende, ulufunda ne umulomba bua kuluandamuna kunyima padibu bajikija tshitupa tshidibu ne bua kulonga atshi. Ku ndekelu kua dilonga, mulongeshi udi uleja mulongi muinshi mua lukonko lua ne: “Qui est en droit de participer au pain et au vin?” (Nnganyi udi ne bua kudia diampa ne kunua mvinyo?) mu dibeji dia 243 mu mukanda wa Comment raisonner. Badi babala ne mulongi pamue, pashishe mulongi uleja dianyisha bua mudiye mupete diandamuna dimpe dia lukonko luende.

Musambu 21 ne disambila dia nkomenu.

Lumingu lua dia 28 Luishi

Musambu 42

Min. 15: Mamanyisha a mu tshisumbu. Luapolo lua konte. Vuluija bamanyishi bua kufila luapolo luabu lua mudimu lua ngondo muibidi. Bikala ngenyi idi mu dibeji dia 8 mikumbanyine teritware wenu, nuenze nayi dinaya dia tshilejilu dia mushindu wa kufila Tshibumba tshia Nsentedi tshia dia 1 Luabanya ne Réveillez-vous! wa dia 8 Luabanya. Anyi nudi mua kuenza dinaya edi ne mishindu mikuabu mimpe idi miakanyine ya mua kutuadija muyuki. Ku ndekelu kua dimue dia ku manaya abidi aa, muambi wa lumu luimpe abikile muntu mu Tshivulukilu pa kuenza mudimu ne dibeji dia ndekelu dia Réveillez-vous! wa dia 8 Luabanya.

Min. 20: Tuikalayi tuditatshisha bua badi batekete. (Bien. 20:35) Kumpala kua munite mujima wa mbuelelu webe kujika, utungunuke mu nkonko ne mandamuna pa Tshibumba tshia Nsentedi tshia dia 1 Kashipu 2004 dibeji dia 17-18, tshikoso tshia 12-16, anu bu mututu tuenza bua Dilonga dia Tshibumba tshia Nsentedi. Ubadishe bikoso kudi muanetu udi mumanye mua kubala bimpe. Utambe kukoka ntema ya bantu pa mushindu udibu mua kutumikila malu anudi bakonkononemu bua Tshivulukilu ne muyuki wa pa buawu bitshidi kumpala.

Min. 10: Tufile broshire wa: Nushale anu batabale! Diyukidilangana ne manaya a tshilejilu adi aleja mua kufila broshire eu mu ngondo muisatu. Nudi mua kuenza mudimu ne ngenyi idi ileja mua kutuadija kuyukila bimpe ne bantu idi mu tshisakidila tshia Mudimu wetu wa Bukalenge wa Tshiongo 2005 anyi ngenyi mikuabu idi miakanyine teritware wenu.

Musambu 72 ne disambila dia nkomenu.

Lumingu lua dia 7 Luabanya

Musambu 12

Min. 10: Mamanyisha a mu tshisumbu. Konkonona malu manene adi mu kazubu ka: “Malu a kuvuluka bua Tshivulukilu.”

Min. 15: Majinga a tshisumbu.

Min. 20: “Ikala ufila bibejibeji mu buambi.”d Panudi nukonkonona tshikoso 3 ne 4, leja mushindu wa kutumikila ngenyi idimu bilondeshile muaba unudi basombele. Ela mumanyishi umue anyi babidi nkonko batu bamanye mua kufila bimpe bibejibeji mu miaba ya mudimu wa bungenda-mushinga, mu njila, miaba itu bantu ba bungi bendela anyi padi mpunga umueneka. Ubakonke bua bumvuije mushindu utubu bafila bibejibeji miaba itudi batela eyi. Enzeja dinaya dimue pa mushindu wa kufila tshibejibeji anyi baleje bualu mu dinaya anu bu muvuabu buenzeke.

Musambu 192 ne disambila dia nkomenu.

[Mêyi adi kuinshi]