Ndongamu wa Bisangilu bia Mudimu
Lumingu lua dia 12 Kabitende
Musambu 29
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Enza mudimu ne ngenyi idi mu dibeji dia 8 (bikalayi miakanyine teritware wenu) bua kuleja mushindu wa kufila Tshibumba tshia Nsentedi tshia 15 Kabitende ne Réveillez-vous! wa 22 Kabitende. Nudi mua kuenza mudimu ne ngenyi mikuabu miakanyine. Pesha mukulu dinaya dimue ne dikuabu badienze kudi nsonga. Panyima pa dinaya dionso, leja bualu kampanda buimpe budibu benze.
Min. 20: “Enza mudimu bimpe ne dîba diebe.”a Lomba bateleji bua balonde mushindu udibu bakaje dîba diabu dituku dionso bua kudibadila Bible. Lomba bena mu mêku ne bakuabu bonso bua babale tshisakidila tshia Mudimu wetu wa Bukalenge wa Lumungulu 2005 bua kuenza programe wa malu a mu nyuma.
Min. 15: “Tulombolayi malonga a Bible mimpe.”b Diyukidilangana ne bateleji dimanyine pa Tshitupa 1 ne 2 tshia tshisakidila. Nudi mua kutangila kabidi Mudimu wetu wa Bukalenge wa Tshimungu 2004, dibeji dia 1. Bua tshinyi bidi bikengela kudilongolola bimpe misangu yonso kumpala kua kulombola dilonga dia Bible? Ntshinyi tshidi bualu ebu butulomba? Lomba bateleji bua baleje muvuabu batumikile ngenyi ya mu Mudimu wetu wa Bukalenge. Jikija ne mêyi mangatshila mu kazubu kadi kuinshi kua dibeji dia kumpala dia tshisakidila etshi.
Musambu 110 ne disambila dia nkomenu.
Lumingu lua dia 19 Kabitende
Musambu 168
Min. 10: Mamanyisha a mu tshisumbu. Konkonona mu tshikoso malu manene a mukanda wa ku Betele, udi mu dibeji dia kumpala dia Mudimu wetu wa Bukalenge eu.
Min. 20: Ntshinyi tshituvua benze tshidimu tshishale? Mutangidi wa mudimu udi ukonkonona malu mimpe avuabu benze tshidimu tshia mudimu tshishale. Ela kalumbandi kadi kakanyine. Tela bualu bumue anyi abidi adi akengela kutabalela mu tshidimu tshidi kumpala. Akula bua mudimu wa bampanda-njila ne ubele kalumbandi bua mudimu wabu muimpe. Leja mushindu udi mudimu uvuabu benze bua kuambuluisha bantu bakavua kabatshiyi bayisha mupatule bipeta bimpe.
Min. 15: “Tukoleshanganayi.”c Lomba bateleji bua baleje muvua dinanga divua bana betu babaleje dibambuluishe.
Musambu 199 ne disambila dia nkomenu.
Lumingu lua dia 26 Kabitende
Musambu 122
Min. 10: Mamanyisha a mu tshisumbu. Bala luapolo lua konte, ela bantu tuasakidila. Vuluija bamanyishi bua kufilabu luapolo lua mudimu wa ngondo wa tshitema.
Min. 15: Majinga a tshisumbu.
Min. 20: Tumanyishayi lumu luimpe ku diambuluisha dia bibejibeji. Mu ngondo wa dikumi, netufile Tshibumba tshia Nsentedi ne Réveillez-vous! Ku ntuadijilu kua muyuki, wakule pa ngenyi ya mu Mudimu wetu wa Bukalenge wa Luishi 2005, dibeji dia 8, tshikoso 3-6 idi ilonda eyi: (1) Fila bibejibeji bionso bibidi. (2) Longolola dituku dimue ku lumingu luonso bua kufila bibejibeji. (3) Difundila bungi bua bibejibeji bia kufila ku ngondo yonso. (4) Tabalela mpunga yonso udi umueneka bua kufila bibejibeji. (5) Fila bibejibeji bia kale. Leja mua kulonda ngenyi eyi bilondeshile muaba unudi. Pashishe enza mudimu ne ngenyi idi mu dibeji dia 8 dia Mudimu wetu wa Bukalenge eu (pikalayi miakanyine teritware wenu) bua kuleja mushindu wa kufila Tshibumba tshia Nsentedi tshia 1 Kasuamansense ne Réveillez-vous! wa 8 Kasuamansense. Nudi mua kuenza mudimu ne ngenyi mikuabu miakanyine. Nudi kabidi mua kuakula pa biena-bualu bikuabu bidi mu bibejibeji ebi bidi mua kusankisha bantu ba mu teritware wenu ne enza dinaya dia tshilejilu dimanyine pa tshimue tshia ku biena-bualu ebi. Panyima pa dinaya dionso, leja malu mimpe kampanda adibu benze mu dinaya edi.
Musambu 3 ne disambila dia nkomenu.
Lumingu lua 3 Kasuamansense
Musambu 54
Min. 5: Mamanyisha a mu tshisumbu.
Min. 20: “Tuambuluishayi bakuabu bua bikale ‘batumikila mu mitshima’.”d Pikalaku dîba, lomba bateleji bua kuakula pa mvese idibu kabayi bafunde mêyi ayi mu bikoso.
Min. 20: Usankishe mutshima wa Yehowa. (Nsu. 27:11) Ela bana betu babidi anyi basatu badi benzele Yehowa mudimu ne lulamatu munkatshi mua matuku a bungi nkonko. Lomba yonso wa kudibu bua alonde bualu bumue anyi abidi adi mamuambuluishe bua kutungunuka ne kutumikila Yehowa. Badi mua kutela malu bu mudi: didilongela dimpe dia Bible, dikala ne tshibidilu tshia kubuela mu bisangilu, ditantshila bana betu ba lulamatu, kuenza mudimu wa buambi ne tshisumi, masambila menza ne muoyo mujima ne diepuka imue mishindu mibi ya dijikija dia lutetuku. Mmateta kayi avuabu bapete, ne mmunyi muvuabu bapite nawu bimpe? Mmabenesha kayi adibu bapete bua ditumikila diabu dia Nzambi?
Musambu 170 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima to, pashishe utungunuke mu nkonko ne mandamuna.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Mbuelelu webe kapitshi pa munite mujima to, pashishe utungunuke mu nkonko ne mandamuna.