Ndongamu wa Bisangilu bia Mudimu

Lumingu lua dia 10 Kasuamansense

Musambu 17

Min. 10: Mamanyisha a mu tshisumbu. Mamanyisha makanyine a mu Mudimu wetu wa Bukalenge. Enza mudimu ne ngenyi idi mu dibeji dia 8 (bikalayi miakanyine muaba unudi) bua kuleja mushindu wa kufila Tshibumba tshia Nsentedi tshia dia 15 Kasuamansense ne Réveillez-vous! wa dia 22 Kasuamansense. Panyima pa dinaya dionso, leja bualu buimpe budibu benze mu dinaya edi. Pashishe, koka ntema ya bateleji ku biena-bialu bikuabu bidi mua kusankisha bantu ba mu teritware wenu.

Min. 15: Utu ne tshibidilu tshimpe tshia kudibadila anyi? Muyuki ne diyukidilangana ne bateleji muangatshila mu bitupa biakanyine bia mukanda wa Kalasa ka mudimu, dibeji 21-26. Mbinganyi bitudi mua kubueja mu programe wetu wa dibala? (dib. 21, kazubu) Bua tshinyi mbimpe kubala mikanda idi mupika upatula? (dib. 23, tshik. 2) Tshia kuenza ntshinyi bua kuikala ne tshibidilu tshimpe tshia kudibadila? (dib. 26, tshik. 3-4) Mmunyi muutu upeta dîba dia kubala Réveillez-vous! ne Tshibumba tshia Nsentedi? Mmasanka kayi audi mupete?

Min. 20: “Tungunuka ne kuyisha ne dikima.”a Lomba bateleji bua baleje nsombelu mikole idi ikengela kuikala ne dikima bua kuyisha. Ntshinyi tshivua tshibambuluishe bua kuyisha?

Musambu 78 ne disambila dia nkomenu.

Lumingu lua dia 17 Kasuamansense

Musambu 36

Min. 10: Mamanyisha a mu tshisumbu. Enza mudimu ne tshitupa 3 tshidi mu tshisakidila tshia Mudimu wetu wa Bukalenge wa Kabitende 2005. Konkonona umue anyi ibidi ya ku mishindu ya kuenza mudimu bimpe ne Bible patudi tulombola malonga a Bible.

Min. 15: Epuka njiwu ya Internet. Muyuki muenza kudi mukulu muangatshila mu Réveillez-vous! wa dia 8 Tshisua-munene 2004, dibeji dia 18-21. Pikala Internet kayi muaba unudi, enza mudimu ne Bible bua kuleja bana betu mushindu wa kuepuka tshiendenda ne malunda mabi ku diambuluisha dia TV, bisanji ne bikandakanda.

Min. 20: “Leja dinanga pa kutabalela bakuabu.”b Lomba bateleji bua baleje mushindu udibu mua kuenzela bantu malu ne bulenga padibu mu buambi. Mu Midimu yetu ya Bukalenge yalonda, nebatuleje mishindu mikuabu itudi mua kuleja bantu batudi tuyisha bulenga.

Musambu 2 ne disambila dia nkomenu.

Lumingu lua dia 24 Kasuamansense

Musambu 68

Min. 10: Mamanyisha a mu tshisumbu. Bala luapolo lua konte ne ela bantu tuasakidila. Enza mudimu ne umue wa ku mishindu idi mu tshisakidila tshia Mudimu wetu wa Bukalenge wa Tshiongo 2005 anyi umue mushindu udi muakanyine bua teritware wenu bua kuleja mua kufila mikanda mu Kasuabanga.​—Tangila Mudimu wetu wa Bukalenge wa Tshiongo 2005, dib. 8, tshik. 5.

Min. 15: Majinga a tshisumbu.

Min. 20: Tunemekayi mikenji ya Nzambi mu mvuadilu ne ndengejilu wetu wa mubidi. Muyuki ne diyukidilangana ne bateleji muenza kudi mukulu, muangatshila mu Tshibumba tshia Nsentedi tshia dia 1 Tshimungu 2002, dibeji dia 17-19. Lomba bateleji bua baleje mudi mvuadilu ne ndengejilu wa mubidi muimpe utupetesha mushindu wa kuyisha.

Musambu 153 ne disambila dia nkomenu.

Lumingu lua dia 31 Kasuamansense

Musambu 209

Min. 10: Mamanyisha a mu tshisumbu. Vuluija bamanyishi bua kufila luapolo luabu lua mudimu bua Kasuamansense. Enza mudimu ne ngenyi idi mu dibeji dia 8 (bikalayi miakanyine muaba unudi), bua kuleja mushindu wa kufila Tshibumba tshia Nsentedi tshia dia 1 Kasuabanga ne Réveillez-vous! wa dia 8 Kasuabanga. Mu dimue dia ku manaya aa, leja mushindu wa kulongolola dikumbula dipiadipia pa kuleja muntu kazubu ka “Mu nimero wetu udi ulonda.”

Min. 15: Kolesha dijinga dia kumanya bivule dia bantu bautu ushila bibejibeji pa tshibidilu. Muyuki ne diyukidilangana ne bateleji muangatshila mu Mudimu wetu wa Bukalenge wa Lumungulu 2005, dibeji dia 8. Mmushindu kayi utudi mua kutuadija kushila muntu bibejibeji pa tshibidilu? (tshik. 1) Mmunyi mutudi mua kulongolola tu-miyuki tua kubadila muntu mvese anu umue misangu yonso? (tshik. 3) Bua tshinyi katuena ne bua kubala anu patupu mvese musungula? (tshik. 4) Mmunyi mudi muntu utuvua tushila bibejibeji pa tshibidilu mua kulua mulongi wa Bible? (tshik. 5) Enzeja dinaya dia mumanyishi uyukila ne muntu utuye ushila bibejibeji pa tshibidilu bimanyine pa mvese umue.

Min. 20: Bansonga badi babenga kuenza malu mabi ne muoyo umue kadi bikale ne kanemu. Muyuki muenza kudi mukulu muimanyine pa Tshibumba tshia Nsentedi tshia dia 15 Kabitende 2002, dibeji dia 23-24, kamutu ka bualu ka “Ubenge ne kanemu konso.” Longolola bua nsonga umue anyi babidi balonda ntatu ivuabu bapetangana nayi mu tulasa ne baleje tshivua tshibambuluishe bua kupita nayi bimpe.

Musambu 222 ne disambila dia nkomenu.

Lumingu lua dia 7 Kasuabanga

Musambu 39

Min. 5: Mamanyisha a mu tshisumbu.

Min. 20: Ikala ne ntema paudi mu bisangilu. Muyuki ne diyukidilangana ne bateleji muangatshila mu Tshibumba tshia Nsentedi tshia dia 15 Kabitende 2002, dibeji dia 12-14, tshikoso tshia 11-14. Konkonona ngenyi idibu bafilamu, ne lomba bateleji bua bamba tshitu tshibambuluisha bua kulonda bisangilu bia tshisumbu bimpe.

Min. 20: “Longa mua kuelesha bantu meji.”c Sungula bamanyishi badi mua kulonda mushindu uvuabu beleshe bantu ba mu teritware wenu meji bilondeshile nsombelu wabu.

Musambu 50 ne disambila dia nkomenu.

[Mêyi adi kuinshi]