Ndongamu wa Bisangilu bia Mudimu

Lumingu lua dia 9 Tshiongo

Musambu 10

Min. 10: Mamanyisha a mu tshisumbu. Enza mudimu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 15 Tshiongo ne Réveillez-vous! wa Tshiongo. Dimue dia ku manaya aa dikale dia mumanyishi uyisha muaba utubu bapanyishila bintu.

Min. 15: “Mukanda wa Bible ulongesha ke mukanda wetu munene wa kulongesha nawu bantu Bible.”a Jula bateleji dijinga dikole dia kutuadija kulonga Bible ne bantu ne mukanda mupiamupia eu.

Min. 20: “Mushindu wa kutuadija kulonga ne bantu mukanda wa Bible ulongesha.” Diyukidilangana ne bateleji ne manaya a tshilejilu mangatshila mu dibeji 3 dia tshisakidila. Tudi mua kutuadija kulombola diakamue malonga a Bible ne bantu badi banyisha bulelela ne mukanda wa Bible ulongesha. Enzeja manaya a tshilejilu asatu malongolola bimpe menemene bua kuleja mua kuenza mudimu ne: (1) dibeji 4-5, (2) dibeji 6, ne (3) tshikoso tshia kumpala mu dibeji dia 7 bua kutuadija dilonga dia Bible patudi tuenza dikumbula dipiadipia. Leja malu adibu benza mu dinaya dionso kumpala ne panyima padi. Nudi mua kubala anu mêyi makese patupu panudi nukonkonona bikoso mu mukanda wa Bible ulongesha. Ku ndekelu kua dinaya dionso, mumanyishi akebe mushindu wa kupinganyina muntu.

Musambu 125 ne disambila dia nkomenu.

Lumingu lua dia 16 Tshiongo

Musambu 178

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Lomba bantu bonso bua kutangila bande wa video wa Soigner sans transfuser​—Besoins et droits du patient bua kulongolola diyukidilangana mu Tshisangilu tshia Mudimu tshienzeka mu mbingu ibidi kumpala.

Min. 15: Bulongolodi budi buenza disua dia Yehowa. Muyuki ne diyukidilangana ne bateleji muangatshila mu dibeji 4, 5-7 dia mukanda wa Bulongolodi budi buenza disua dia Yehowa. Kunyima kua mbuelelu wa minite mishadile ku isatu muangatshila mu dibeji 4, ela bateleji nkonko pa malu adi mu dibeji 5 too ku katshiena-bualu kadi mu dibeji 6. Netukonkonone binga bitupa bia mukanda wa Bulongolodi mu Bisangilu bia Mudimu bikuabu.

Min. 20: “Bansonga badi bakenka bu miendu.”b Lomba bansonga bua balonde muvuabu bafike ku diyisha mu tulasa. Udi mua kudianjila kuambila nsonga umue anyi babidi bua kulondabu tshivuabu benze.

Musambu 107 ne disambila dia nkomenu.

Lumingu lua dia 23 Tshiongo

Musambu 60

Min. 10: Mamanyisha a mu tshisumbu. Bala luapolo lua konte ne mukanda wa kudi filiale wa kunuela tuasakidila. Enza mudimu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 1 Luishi ne Réveillez-vous! wa Luishi. Dimue dia ku manaya aa badienze kudi nsonga.

Min. 15: Majinga a tshisumbu.

Min. 20: “Tutabalelayi bakuabu: Pa kubela nkonko ne kubateleja.”c Panuafika mu tshikoso 2, ulombe bateleji bua baleje nkonko idibu bamone ne: mmimpe bua kutuadija diyukila ne bantu. Leja mushindu wa kufika ku dimanya idi munda mua muntu pa kuela nkonko ne budimu ne kuteleja bimpe menemene.

Musambu 205 ne disambila dia nkomenu.

Lumingu lua dia 30 Tshiongo

Musambu 197

Min. 10: Mamanyisha a mu tshisumbu. Vuluija bamanyishi bua kufila luapolo lua mudimu lua Tshiongo. Tela mikanda ituafila mu Luishi ne enzeja dinaya bua kuleja mushindu wa kufila umue wa kudiyi.

Min. 15: Ndongoluelu ya dinanga bua diakalenga dietu. Wenzabu kudi mukulu. Bala ne yikilayi pa mukanda uvua biro bia filiale bitumine bisumbu bionso pa karte kapiakapia ka Pas de sang ne mudimu udiku nawu.

Min. 20: “Bande wa video udi uleja imue ngondapilu milenga.” Bala Bienzedi 15:28, 29 ne leja mu tshikoso ne: bena Kristo badi babenga bua kababedi mashi bua kutumikila mukenji wa Nzambi udi uleja mudi mashi mikale tshintu tshia tshijila. Pashishe pita diakamue ku nkonko ne mandamuna pa bande wa Besoins et droits du patient; enza mudimu ne nkonko idibu bafile mu tshiena-bualu. Bua kujikija, ubale tshikoso tshia ndekelu. Panuikala kanuyi ne bande eu, nudi mua kubala Réveillez-vous! wa dia 8 Tshiongo 2000, dibeji dia 7-11 ne broshire wa Comment le sang peut-il vous sauver la vie?, dibeji dia 8-15, 18.

Musambu 45 ne disambila dia nkomenu.

Lumingu lua dia 6 Luishi

Musambu 74

Min. 10: Mamanyisha a mu tshisumbu.

Min. 25: Manya mukanda wetu mupiamupia wa kulongesha nawu. Muyuki ne diyukidilangana ne bateleji. Lomba bateleji bua baleje malu adi abasankisha mu mukanda wa Bible ulongesha, bu mudi nkonko idi ku ntuadijilu ne tuzubu tudi tukonkonona malu manene a nshapita yonso (dib. 106, 114); bimfuanyi (dib. 122-123, 147, 198); ne tshisakidila (dib. 197 tshik. 1-2). Mbenza mukanda eu mu mushindu udi ukoka ne ulenga ku muoyo (dib. 12, tshik. 12). Udi umvuija malu mu mushindu mutokesha bimpe ne mupepele (dib. 58, tshik. 5) ne udi ufila bilejilu bimpe bitambe (dib. 159, tshik. 12). Mêyi a ku ntuadijilu adi atuambuluisha bua kutuadija malonga a Bible (dib. 3-7). Leja mushindu wa kuenza mudimu ne kazubu kadi mu dibeji dia 7 ne mulongi wa Bible mupiamupia. Londa bualu buimpe budi buenzeke mu dienza mudimu ne mukanda mupiamupia eu.

Min. 10: Mudimu wa bumpanda-njila buambuluishi udi upetesha masanka. (Nsu. 10:22) Lomba bana betu bavua benza bumpanda-njila buambuluishi mu matuku mashale aa bua baleje mushindu uvuabu badilongolole bua kubuenza ne masanka avuabu bapete. Lomba bantu bonso bua kusambila ne kudikonkonona bimpe ne kumona ni badiku mua kuangata bumpanda-njila buambuluishi mu ngondo muisatu, muinayi ne muitanu.

Musambu 16 ne disambila dia nkomenu.

[Mêyi adi kuinshi]