Ndongamu wa Bisangilu bia Mudimu

Lumingu lua dia 14 Tshimungu

Musambu 163

Min. 15: Mamanyisha a mu tshisumbu. Akulayi bua “Ndongamu mupiamupia wa mpuilu wa pa buende.” Vuluija bantu dituku dienzekaye panuikala badimanye. Angata ngenyi idi mu dibeji 4 anyi mikuabu idi miakanyine teritware wenu ne enzeja nayi manaya a tshilejilu bua kuleja mua kufila Tshibumba tshia Nsentedi tshia dia 15 Tshimungu ne Réveillez-vous! wa Tshimungu. Mu dimue dia ku manaya aa, leja tshia kuenza padi muntu ubenga bua kuyukila netu wamba ne: “Bantemu ba Yehowa kabatu bansakisha to.”​—Tangila kakanda ka Mua kutuadija ne kutungunuka, dib. 9 ne mukanda wa Comment raisonner, dib. 17-18.

Min. 15: “Réveillez-vous! wa pa buende utuafila mu ngondo wa tshitema.”a Panudi nufika mu tshikoso 4, enzeja dinaya dia tshilejilu dîpi dia muana wa bidimu dikumi ne bia mu njila upesha mulongeshi Réveillez-vous! wa ngondo wa tshitema.

Min. 15: Bulunda buanyi ne balongi nanyi budi ne bua kuya too ne penyi? Muyuki ne diyukidilangana ne bateleji bilondeshile Réveillez-vous! wa Tshisanga 2006, dibeji dia 17-19. Lomba bantu badi bakolele mu mêku a bena Kristo bua baleje muvua baledi babu babambuluishe bua kupita ne ntatu ya mu tulasa ne kutumikila mibelu ya mu Bible. Nuyukile ne muntu umue anyi babidi kumpala kua dîba bua badianjila kulongolola malu aluabu kuamba.

Musambu 164 ne disambila dia nkomenu.

Lumingu lua dia 21 Tshimungu

Musambu 62

Min. 10: Mamanyisha a mu tshisumbu ne makuabu adi makanyine a mu Mudimu wetu wa Bukalenge. Akulayi bua “Ndongamu mupiamupia wa mpuilu wa tshijengu.” Vuluija bantu dituku dienzekaye binuikala badimanye.

Min. 15: Dilonga dia Tshibumba tshia Nsentedi ne Muyuki wa Patoke bidi bikuambuluisha. Muyuki ne diyukidilangana ne bateleji bilondeshile mukanda wa Bulongolodi budi buenza disua dia Yehowa, dibeji dia 59-64.

Min. 20: Dianjila kudilongolola bua kuikala mpanda-njila muambuluishi. Muyuki ne diyukidilangana ne bateleji. Ambila bantu bua benze programe bua kulua bampanda-njila bambuluishi nansha ngondo umue tshianana mu tshidimu tshia mudimu tshipiatshipia etshi. (1 Kol. 9:26) Bamue badi mua kusungula ngondo wa mudimu wa pa buawu anyi ngondo udi ne matuku a dikisha anyi udi ne matuku a Disambombo atanu anyi a Dia lumingu atanu. Ela bantu nkonko eyi: “Nuvua bapite munyi ne ntatu ivua isua kunupangisha bua kuenza mudimu eu? Mudimu eu utu ne masanka kayi? Paudi musue kuwenza kadi utshina, bua tshinyi mbimpe wewe kusambila? (Bien. 4:29; 2 Kol. 4:7; Yak. 1:5) Bua tshinyi mbimpe kuyikila ne bena dîku dienu ne bakuabu bena mu tshisumbu, nangananga aba badi bu wewe? (Nsu. 15:22) Wewe udi mudilongolole bua kulua mpanda-njila muambuluishi ngondo kayi?”

Musambu 216 ne disambila dia nkomenu.

Lumingu lua dia 28 Tshimungu

Musambu 17

Min. 10: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Vuluija bamanyishi bua kufila luapolo lua mudimu wa ngondo wa 8. Angata ngenyi idi mu dibeji 4 anyi mikuabu idi miakanyine teritware wenu, wenzeje nayi dinaya dia tshilejilu bua kuleja mua kufila Tshibumba tshia Nsentedi tshia dia 1 Kabitende anyi Réveillez-vous! wa Kabitende panudi nuya kutangila bantu banutu nushila bibejibeji.

Min. 15: Udi mua kukolesha bakuabu mu mikolo. (Lomo 1:11, 12) Muyuki ne diyukidilangana ne bateleji. Tela bungi bua bampanda-njila ba pa tshibidilu banudi nabu mu tshisumbu. Leja mishindu itudi mua kubakankamija bu mudi: kubela kalumbandi, kutumbisha mudimu wa bumpanda-njila, kuyisha nabu, kubabikila bua kudia nabu biakudia ne kubambuluisha ne makuta a kufuta njila. Lomba bampanda-njila ba pa tshibidilu bua baleje mudi bakuabu babakankamije. Nuenu kanuyi ne bampanda-njila ba pa tshibidilu, leja mushindu unudi mua kukankamija bampanda-njila bambuluishi.

Min. 20: Kuenaku mua kutuadija kulonga Bible ne muntu mu ngondo wa tshitema anyi? Muyuki ne manaya a tshilejilu. Mu ngondo wa 9 netudienzeje menemene bua kubanga kulonga ne bantu anu musangu wa kumpala utudi tupetangana nabu; tulonga nabu mukanda wa Bible ulongesha. Mbuena kuamba ne: patudi tupesha muntu mukanda eu, tudi tudienzeja bua kulonga nende bikoso bikese. Nuenze manaya abidi ne biena-bualu bidi biakanyine teritware wenu. Mu dinaya dionso, nuleje tshia kuenza bua kupinganyina muntu bua kutungunuka ne dilonga.

Musambu 37 ne disambila dia nkomenu.

Lumingu lua dia 4 Kabitende

Musambu 90

Min. 10: Mamanyisha a mu tshisumbu.

Min. 15: Majinga a tshisumbu.

Min. 20: “Tutabalelayi bakuabu: Pa kuyisha bantu bonso katuyi tusunguluja.”b Panudi nuakula bua Lomo 1:14 udibu batele mu tshikoso 2, kumbaja kabidi ngenyi idi mu Étude perspicace, Volime 1, dibeji dia 270, tshikoso tshia kumpala mu ka tshiena-bualu ka: “Barbare.” Panudi nujikija dikonkonona dia tshikoso 3, ambulula malu asatu adibu baleje mu kakanda ka Une bonne nouvelle pour des gens de toutes nations, dibeji 2, ne leja munudi mua kuyisha bantu badi bakula muakulu muenyi mu teritware wenu. Leja munudi mua kutumikila malu aa bilondeshile majinga a tshisumbu tshienu. Tshisumbu tshidi ne bua kupesha bamanyishi mikanda ikadi mipatuke mu miakulu idibu bakula mu teritware wenu.

Musambu 225 ne disambila dia nkomenu.

[Mêyi adi kuinshi]