Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabit.

Tela bualu kampanda budi buenzeke matuku aa muaba unudi basombele. Pashishe konka muntu ne: “Kuenaku umona ne: mvese eu udi wamba bulelela menemene bua malu a tshikondo tshitudi etshi anyi? [Bala 2 Timote 3:1, ulekele muntu andamune.] Tshiena-bualu etshi tshidi tshileja malu adi ajadika ne: tukadi mu matuku a ku nshikidilu, tshileja kabidi tshitudi ne bua kuenza.”

Réveillez-vous! Kabit.

“Bantu ba bungi badi bitaba ne: kudi anu udi mutufuke. Bakuabu badi bamba bobu ne: tudi bafike ku dikalaku ku mpukampuka. Kadi wewe pebe udi wamba bishi? [Lekela muntu andamune.] Tangila tshidi mua kutuambuluisha bua kupeta diandamuna dijalame. [Bala Yobo 12:7, 8.] Réveillez-vous! eu udi uleja mudi bintu bia dikema bia panu bidi bilomba meji male mua kutulongesha.”

Tshibumba tshia Nsentedi 1 Kasuam.

“Baminganga badi baditatshisha bua kujikija masama ne kuvudija bungi bua matuku a muoyo wa muntu. Bua diebe dimona, udi wela meji ne: tuadiakupetaku mushindu wa kushala ne muoyo kashidi anyi? [Lekela muntu andamune.] Tangila tshidi tshitufikisha ku dijinga bua kuikala ne muoyo kashidi. [Bala Muambi 3:11.] Tshibumba tshia Nsentedi etshi tshidi tshiumvuija tshivua Nzambi mutufukile ne dijinga dia kuikala ne muoyo kashidi.”

Réveillez-vous! Kasuam.

“Bantu ba bungi batu basue kutangila televizion. Kadi kuenaku pebe umona ne: bidi bikengela kusungula bia kutangila ne bia kubenga kutangila anyi? [Lekela muntu andamune. Pashishe bala Nsumuinu 13:20.] Tshibejibeji etshi tshidi tshileja mudi malu atudi tumona ku TV mikale ne bukole pa nsombelu wetu ne mutudi mua kumanya malu atudi mua kutangila ne a kubenga kutangila.”