Malu a kushintulula mu mukanda wa Buakabuluibua​—Nkomenu wabu munene ukadi pabuipi!

Malu adi alonda aa ke malu manene a kushintulula mu mukanda wa Buakabuluibua​—Nkomenu wabu munene ukadi pabuipi! mupatula mu 1995. Mu malu emu kamuena tshilejilu bintu bu mudi luapolo itudi mua kupeta mu mikanda mipimipia ya Annuaire ne mikanda mikuabu to.

NSHAPITA 4

dib. 19, §4, kupula mvese wa ndekelu: Matayo 25:31-33

NSHAPITA 5

dib. 24, §3, mêyi adi kuinshi kua dibeji (note) adi alua nunku: * Bua kupeta diumvuija dialabale, tangila mukanda wa Bible utu ulongesha tshinyi menemene? dibeji 88-92, 215-218, mupatula kudi Bantemu ba Yehowa.

NSHAPITA 6

dib. 30, §12, tshiambilu tshisambombo tshidi tshilua ne: Ndekelu wa bionso, Mukalenge wa bena Roma Constantin wakanyishisha ntendelelu wa “Bena-nkristo” kudi Mbulamatadi, kuyabi nanku too ne muakapatuka buena-nkristo bua dishima buakasangisha Ekleziya ne Mbulamatadi bua kukokeshabi munkatshi mua bidimu tshinunu.

dib. 32, kazubu, tshikoso tshia kumpala tshidi tshilua ne: Yezu wakatambushibua ne kuedibua manyi bu Mukalenge-Musungula ku musulu wa Yordane mu Kasuamansense tshidimu tshia 29 B.B. Bidimu bisatu ne tshitupa pashishe, mu 33 B.B., wakalua mu ntempelo wa Yeruzaleme ne kuipata aba bavua bamukudimune bu muaba wa bivi. Mbimueneke se: tudi mua kufuanyikija malu aa ne tshikondo tshia bidimu bisatu ne tshitupa tshivuabu bateke Yezu mu nkuasa mu diulu, kubangila mu Kasuamansense mu 1914 too ne ku dilua diende bua kukontolola midimu ya aba bavua badiamba mudibo bena nkristo, bualu dilumbuluisha diakabangila mu Nzubu wa Nzambi. (Matayi 21:12, 13; 1 Petelo 4:17) Ku ntuadijilu kua 1918, mudimu wa Bukalenge uvua tshisamba tshia Yehowa tshikumbaja wakapeta buluishi bunene. Tshivua tshikondo tshia diteta pa buloba bujima, bena buowa bakaseluka ne kutapuludibua. Mu Lumungulu 1918, bamfumu ba bukua-buena-nkristo bakasonguela bamue batangidi ba Société Watch Tower ne kuedibuabo mu lukanu, kadi kunyima kua ngondo tshitema bakabapatula. Pashishe, bakabenga malu wonso a dishima avuabo bababande nawu. Kubangila mu 1919, bulongolodi bua tshisamba tshia Nzambi, buteta ne bukezula, buakaditua mu dimanyisha ne mitalu Bukalenge bua Yehowa ne bua Kristo bu ditekemena dimuepele bua bukua-bantu.​—Malaki 3:1-3.

NSHAPITA WA 8

dib. 40, §8, mulongo 5, pa muaba wa “bilema 125” funda: bilema 130

dib. 40, §10, tshiambilu tshia ndekelu tshidi tshilua ne: Anu ku Kabadi kanene ka États-Unis nkayaku, Bantemu ba Yehowa bavua batshimune misangu 50.

NSHAPITA WA 10

dib. 50, §11, note udi ulua ne: * Tshilejilu, tangila tshiena-bualu tshia “Bakaji bena Kristo ba lulamatu mbatendeledi ba Nzambi ba mushinga mukole,” tshipatula mu Tshibumba tshia Nsentedi tshia dia 1 Kasuabanga 2003.

NSHAPITA WA 11

dib. 56, §9, tshitupa tshibidi tshia tshikoso tshidi tshilua ne: Tshibejibeji tshia Tshibumba tshia Nsentedi tshidi tshitukankamija bua kuenza nunku ku diambuluisha dia biena-bualu bia dilonga bu mudi “Nudijadike bienu tshinudi” ne “Katuikadi ne muoyo bua bualu buetu nkayetu.”* Ne diambuluisha dia mu Bible dia mushindu’eu, tukonkononayi ngenyi yetu miondoke ne tuenze madikolela bua kuenda ne budipuekeshi ne mu masambila pa kulama muoyo mutoke kumpala kua Yehowa.​—Misambu 26:1-3; 139:23, 24.

dib. 56, §9, note udi ulua ne: * Tangila Tshibumba tshia Nsentedi tshia mu dia 15 Kashipu 2005 ne tshia mu dia 15 Luabanya 2005.

NSHAPITA WA 12

dib. 61, §14, note udi ulua ne: # Tshibejibeji tshia Tshibumba tshia Nsentedi tshipatula kudi kasumbu ka Yone, ntshitungunuke ne kushindamena pa dikengedibua dia kubabidila ne lukasa luonso mushindu’eu utudi nawu ne kudifila menemene ku mudimu wa buambi; tshilejilu, tangila biena-bualu ebi: “Bantu bonso bambe butumbi bua Yehowa” ne “Dîyi diabu diakamuangalaka pa buloba bujima,” bipatula mu nimero wa dia 1 Tshiongo 2004. Nimero wa dia 1 Kabalashipu 2004 uvua ne tshiena-bualu etshi: “Badi batumbisha Nzambi badi bapeta mabenesha,” tshivua tshishindamene pa dikengedibua dia kubuelela ku “tshiibi tshiunzulula” tshidi tshifikisha ku mudimu wa ku dîba ne ku dîba. Mu ngondo kampanda wa tshidimu tshia 2005, bungi bubandile bua bampanda-njila buvua 1 093 552.

NSHAPITA WA 13

dib. 71, §14, mulongo 3, pa muaba wa “mu 1990 kupita pa miliyo 20” funda: mu 2006 kupita pa miliyo 59

dib. 73, §23, mulongo wa 14-15, kupula: Matayi 25:31

NSHAPITA WA 16

dib. 90, §4, note udi ulua ne: * Bua bijadiki bisulakaja bidi bileja se: Yezu uvua mutekibue mu midimu yende ya bukalenge mu 1914, tangila mukanda wa Bible utu ulongesha tshinyi menemene? dibeji dia 215-218, mupatula kudi Bantemu ba Yehowa.

dib. 90, §6, tshikoso tshidi tshilua ne: Kadi, bua tshinyi Mukalenge udibu bafume ku diasa tshifulu tshia butumbi udi ne bua kupatuka bua kuluangana mvita? Bualu bukokeshi buende budi buluishibua bikole kudi muluishi wa kumpala wa Yehowa, Satana Diabolo, ne kudi aba badi basadila malongolola a Satana pa buloba bua dipanga anyi ku budisuile. Diledibua dia Bukalenge dine didi padi diunzulula njila bua dibudika dia mvita minene mu diulu. Bu mudiye uluangana mvita ne dîna dia Mikaele (mbuena kuamba ne: “Nnganyi udi bu Nzambi?”), Yezu udi utshimuna Satana ne ba-demon bende ne ubimansha pa buloba. (Buakabuluibua 12:7-12) Lubilu lua butshimunyi pa kabalu kudi Yezu ludi lutungunuka munkatshi mua bidimu makumi bia ntuadijilu wa dituku dia Mukalenge, eku bantu badi bafuane mikoko benda basangishibua. Nansha mudi bulongolodi ebu bujima ku “bukokeshi bua mubi,” Yezu udi utungunuka ne dinanga dionso ne kudiisha bana babu bela manyi ne bena mudimu nabo, wambuluisha yonso wa kudibu bua kutshimunaye mvita ya ditabuja.​—1 Yone 5:19.

dib. 92, §9, tshiambilu tshia ndekelu tshidi tshilua ne: Didiunda dia dikema ndimueneke mu matunga a bena katolike ne mu aa muvua makengeshibua a tshikisu mapite bukole​—bu mudi Allemagne, Italie ne Japon, adi mpindieu ne bamanyishi bena disuminyina bonso basangisha bapite pa 600 000.​—Yeshayi 54:17; Yelemiya 1:17-19.

dib. 94, §18, tshikoso tshidi tshilua ne: Tudi mua kuangata dibutula bantu edi bu ditshimuna dia ngenzelu mupiluke wa bia-mvita bia basalayi mu matanda anyi? Kabiena nanku to, kadi, ntshijadiki tshia se: kabalu kakunze kabule luse kadi mu lubilu lukole. Apo, lubilu luaku nelujike tshikondo kayi? Bilondeshile diabu dimona, bamue bashikuluji ba mianda ya science badi bamba mudi mvita ya bingoma bia nikleere mua kuenzeka mu mpukapuka imue misangu​—pa kumbusha mvita ya bingoma bia nikleere idibu mua kujula ku bukole! Kadi, diakalenga, Muena kabalu mutshimunyi udi musombe pa kabalu katoke udi ne malu makuabu mapangadija bua buloba.

dib. 97, §28, tshikoso tshidi tshilua ne: Mu tshikondo tshietu etshi, “tshipupu tshishipi” ntshitambe kubutula bantu. Mu mulongo wa bibutudi biakafuma ku mvita ya kumpala ya buloba bujima, disama dia grippe espagnole diakabutula padi bantu bapite pa miliyo 20 mu ngondo mikese munkatshi mua tshidimu tshia 1918 ne 1919. Anu tshidiila tshikese tshia Sainte-Hélène ke tshivua tshipanduke ku tshipupu etshi. Mu miaba muvua bantu bafua mabumba-mabumba, bitalu bivua bioshibua pa nkunyi pamutu pa kubijiika. Lelu’eu, bantu bungi bukuate buowa badi bafua ku masama a mioyo ne ku kansere, atu afumina misangu mivule ku dinua mfuanka. Munkatshi mua tshikondo tshiakabikilabo ne: “bidimu dikumi bia mulawu,” bidimu biakatuadija mu 1980, nsombelu mubengangane ne mêyi-maludiki a mu Bible wakasakidila tshipupu tshia SIDA ku “tshipupu tshishipi.” Mu tshidimu tshia 2000, bakamba ne: munganga kampanda wa mu ditunga dia États-Unis wakabikila SIDA ne: udi “imue misangu tshipupu tshibi menemene tshitu bantu kabayi banji kumona.” Wakamba ne: bantu bapite pa miliyo 52 pa buloba badi ne tuishi tua disama dia SIDA ne disama edi dikadi dishipe bantu bapite pa miliyo 20. Ndisanka kayipu kudi basadidi ba Yehowa bu mudibu balonda mubelu wa meji wa mu Dîyi dia Nzambi udi ulomba bua kudikanda ku masandi ne ku ditumika ne mashi, bintu bidi biambulukija masama kabukabu lelu’eu!​—Bienzedi 15:28, 29; fuanyikija ne 1 Kolinto 6:9-11.

NSHAPITA WA 18

dib. 106, §7, tshikoso tshidi tshilua nunku: Mvita Mibidi ya buloba bujima yakatuala nshintulukilu mikuabo mu mianda. Bituadijile pinapo, mvita idi kayiyi minene ne malu a tshinyangu anyi terorisme bidi’anu binyukula buloba bujima. Buowa bua bidi bena tshinyangu mua kuenza ne bingoma binene bidi nabi amue matunga bidi bifikisha bantu bavule bua kutshina.

dib. 107, §11, tshiambilu tshinayi tshidi tshilua ne: Didimuija edi dia pa buloba bujima didi ditamba kuakula bua bulongolodi bua pa buloba bua Satana.*

NSHAPITA WA 20

dib. 123, §11, pa muaba wa tshiambilu tshisatu upingaje etshi: Nenku, bua kukumbaja tshipatshila etshi biakane, ku bulombodi bua bela manyi badi benza Kasumbu kaludiki ka Bantemu ba Yehowa, mbenze programe udibo babikila ne: MEPS (programe wa ordinatere udi wambuluishisha bantu bua kukudimuna mikanda mu miakulu mivule). Padibu bapatula mukanda eu apa, badi benza mudimu ne programe wa MEPS miaba mipite pa 125; ne ke tshidi tshiambuluisha basadidi ba Yehowa bua kupatula tshibejibeji tshia Tshibumba tshia Nsentedi misangu ibidi ku ngondo mu miakulu mipite pa 130.

dib. 128, §30, tshiambilu tshia ndekelu tshidi tshilua ne: Anu kasumbu kakese ka bantu: yonso wa ku bashadile ba ku bena nkristo 144 000 batua tshitampi utshidi mu mubidi ne musumba munene wa mikoko mikuabo, ke balua “kuimana kuulu,” mbuena kuamba ne: nebapanduke nabo.​—Yelemiya 35:19; 1 Kolinto 16:13.

NSHAPITA WA 22

dib. 143, ka tshiena-bualu kadi kalua ne: Tshipupu tshia mpasu lelu

dib. 146, §16, biambilu binayi bidi bilonda mvese wa Buakabuluibua 9:10 bidi bilua ne: Bidi mua kumvuija tshinyi menemene? Mu dikumbaja dia mudimu wa Bukalenge, Bantemu ba Yehowa badi bayisha ne mukana ne mikanda bua kumanyisha malu a mu Dîyi dia Nzambi. Malu adibu bayisha adi asuma bu tuminyiminyi, bualu adi amanyisha dituku dia didisombuela dia Yehowa dikadi mpindieu pabuipi. (Yeshayi 61:2)

dib. 146, §17, note udi ulua ne: * Tshibejibeji etshi tshivua tshibikidibua ne: Consolation mu 1937 ne Réveillez-vous! mu 1946.

NSHAPITA WA 24

dib. 160, §21, mulongo wa 12-13, kupula “bantu badi badileja bu mbuji,” funda: bena lukuna

dib. 160, §21, mulongo wa 18, kupula “Matayo 25:31-34, 41, 46,” funda: Filipoi 1:27, 28

dib. 160, lukonko lua 21 (b), ludi lulua ne: Bua tshinyi lumu luimpe ludi lumu lubi bua bena lukuna?

NSHAPITA WA 25

dib. 162, §4, note udi ulua: * Bua diumvuija dikumbane pa bidi bitangila ntempelo eu munene wa mu nyuma, tangila tshiena-bualu tshia “Ntempelo munene wa mu nyuma wa Yehowa” mu Tshibumba tshia Nsentedi tshia mu dia 1 Kashipu 1996 ne tshia “Ntempelo mulelela wa ntendelelu” mu Tshibumba tshia Nsentedi (Français) tshia mu dia 1 Luabanya 1973.

dib. 162, §5, tshiambilu tshisatu tshidi tshilua ne: Bilondeshile milayi ya mu Mifundu ya tshiena-Ebelu, dipima dia mushindu’eu ntshijadiki tshia se: bulumbuluishi nebukumbajibue bilondeshile mikenji mipuangane ya Yehowa.

dib. 162, §7, shintulula tshiambilu tshibidi tshidi panyima pa mvese wa Buakabuluibua 11:2 ne: Anu mutuabimona, apa, badi bakula bua ngondo 42 miena-dîna, ya kubala bituadije ku ngondo wa Tshisua-munene 1914 too ne mu Kabalashipu 1918, pakatetshibua ne dîsu dikole aba buonso bavua badiamba muvuabu bena nkristo.

dib. 165, miaku idi lua ku tshimfuanyi idi ilua nunku: Mudimu wa diibakulula muenza kudi Zorobabele ne Yoshua uvua uleja ne: mu dituku dia Mukalenge, kunyima kua bintu bikese bia ntuadijilu, kuvua ne bua kuenzeka didiunda dinene munkatshi mua Bantemu ba Yehowa. Nzubu bu ya ku Brooklyn idi kuulu eyi, mu ditunga dia États-Unis, yakadiundishibua bikole bua kukumbaja bivua bikengedibua

dib. 165, §15, mulongo 5 kupula “(Matayo 17:1-3; 25:31)” ne pingaja: (Matayo 17:1-3)

NSHAPITA WA 26

dib. 175, §12, note udi ulua ne: * Mushikuluji-mufundi wa mianda ya kale, muena Roma, Tacite, udi ulonda ne: pakakuatabo Yeruzaleme mu 63 K.B.B. ne pakabuela Cneius Pompeius mu sanktuere wa ntempelo, wakamusangana mutupu. Mushete wa tshiovo kawutshivumu to.​—History, mukanda wa Tacite, 5. 9.

NSHAPITA WA 27

dib. 185, §28, tshiambilu tshibidi tshidi tshilua ne: Ku Mputu, Bantemu batue ku 12 000 bakedibua mu tumponya tua dienzejibua midimu ku bukole ne mu maloko a mbulamatadi wa bena Nazi, muakafuila bantu batue ku 2 000.

NSHAPITA WA 28

dib. 187, §4, note udi ulua ne: * Bua kupeta mumvuija malabale, suaku utangile dibeji dia 165-179 mu mukanda wa Tutumayi ntema ku mulayi wa Danyele! mupatula kudi Bantemu ba Yehowa.

dib. 190, §15, biambilu bisatu bia ntuadijilu bidi bilua ne: Mvita eyi ivua mitambe bubi bua mutu wa muanda-mutekete wa nyama wa luonji uvua ukokesha mu tshikondo atshi. Amu bu matunga makuabo a ku Mputu, Grande-Bretagne wakafuisha bansongalume bende bungi bukuate buôwa. Mu 1916, mu mvita imuepele ivua mienzekele pabuipi ne musulu wa Somme, bena Grande-Bretagne 420 000, pamue ne bena France 194 000 ne bena Allemagne 440 000 bakatapika ne kufua, tuambe ne: bantu bapite pa 1 000 000!

NSHAPITA WA 29

dib. 202, §14, mulongo wa kumpala too ne ku muisatu udi ulua ne: Bantu 144 000 “bakasumbibua pa buloba,” “bakasumbibua munkatshi mua bukua-bantu.” Mbangatshibue bu bana ba Nzambi; kunyima

NSHAPITA WA 30

dib. 212, §23, mu mulongo muisatu, umbusha Matayo 25:31-33.

NSHAPITA WA 32

dib. 231, §27, tshiambilu tshia ndekelu tshidi tshilua ne: Satana ke udi wenzeja bukua-matunga bua kuamba mu mushindu kampanda bia dishima ne: “Ditalala ne dikubibua!”​—1 Tesalonike 5:2, 3.

NSHAPITA WA 33

dib. 243, §21, tshiambilu tshidi pabuipi ne tshia ndekelu tshidi tshilua ne: Bualu bua dikema, pape uvua muakule anu kakese bua Yezu Kristo anyi bua Bukalenge bua Nzambi.

NSHAPITA WA 34

dib. 246, §1, tshiambilu tshidi pabuipi ne tshia ndekelu tshidi tshilua ne: Kadi, mbualu bulelela budi buenzeka mu matuku etu aa.

dib. 249, §10, pa muaba wa tshiambilu tshinayi funda ne: Bilondeshile luapolo lua Bulongolodi bua makebulula a kuteka ditalala pa buloba bujima, bantu batue ku miliyo itanu bakashipibua bua mvita mu tshidimu tshimuepele tshia 1986!

dib. 250, §12, mu note, pa muaba wa “1981” ufunde: 1993

dib. 251, §14, tshikoso tshijima tshidi tshilua nunku: Mu bidimu bidi panshi ebi, bena tshididi badi bakula bua “ditalala ne dikubibua” padibu bakula bua malu a bungi adi bantu balongolole bua kuenza. Malu adi bena tshididi balongolole aa ke ntuadijilu wa dikumbana dia tshidi 1 Tesalonike 5:3 wamba anyi? Peshi Paulo uvua wakula bua bualu bua tshikuma buikala mua kukoka ntema ya bantu bonso? Bu mututu tulua kumvua bimpe malu adi Bible ulaya anu pakadiwu mamane kukumbana anyi padiwu enda akumbana, nebikengele bua kuindila bua kumona muenzekabi. Kadi bena nkristo mbamanye ne: nansha ditalala ne bupole bia mushindu kayi bidi matunga mua kumueneka bu mafile, mu bulelela kakuakuikala bualu bua nsongo buikala buenzeke to. Bualu nekuikale anu didinanga, lukinu, dienzelangana malu mabi, dinyanguka dia nsombelu mu mêku, tshiendenda, masama, tunyinganyinga ne lufu. Ke bualu kayi lubila kayi luonso lua “ditalala ne dikubibua” kaluena mua kukudinga to, wewe mushale mutabale ne wenda ukeba diumvuija dia mianda idi yenzeka pa buloba ne biwikala ulonda tshidi Dîyi dia Nzambi diamba padidi ditudimuija.​—Mâko 13:32-37; Luka 21:34-36.

NSHAPITA WA 36

dib. 259, §4, biambilu bibidi bia ndekelu bidi bilua ne: Mu 1914, bakateka Yezu Mukalenge mu diulu, ne katshia ku tshikondo atshi, udi ukokesha buloba bu Mukalenge ne Nzuji ku bulombodi bua Yehowa. Nenku, mbiakanyine bua yeye kuikala eu udi umanyisha dipona dia Babilone Munene.

dib. 260, §9, biambilu binayi bia ntuadijilu bidi bilua ne: Dipona dia Babilone wa kale mu 539 K.B.B., divua ntuadijilu wa tshikondo tshile tshia diteketa diakashikila ne dibutudibua dia tshimenga etshi. Bia muomumue, katshia ku mvita ya kumpala ya buloba bujima, buenzeji bua bitendelelu bifume ku Babilone mbutambe kuteketa pa buloba bujima. Ku Japon, bakakandika ntendelelu wa Shinto wa diangata amperere bu nzambi kunyima kua mvita mibidi ya buloba bujima.

dib. 265, §22, kupula mvese udi kundekelu:​—Fuanyikija ne Matayi 24:15, 16.

dib. 266, §28, tshiambilu tshisatu ne tshinayi bidi bilua ne: Udi ne bua kupeta difutu diende pa kuvudija misangu ibidi malu wonso avuaye muenze. Luse nansha lukese kaluakuikalaku bualu Babilone Munene kavua muleje luse kudi aba bavuaye ukengesha.

NSHAPITA WA 38

dib. 277, §17, pa muaba wa biambilu bibidi bia ndekelu funda ne: Pikalaku bela manyi bapanduka ku mvita eyi pa buloba, kakuyi mpata nebaye mu diulu bua kupeta difutu diabo katupa kakese kunyima kua Yezu mumane kujikija mvita yonso nkong bua kudisangisha pamue ne balunda babo, bena mu kasumbu ka mukaji musela. Dîba adi, mu tshikondo tshikala Nzambi mulongolole, dibaka dia Muan’a mukoko nedikale mua kuenzeka!

NSHAPITA WA 39

dib. 281, §10, biambilu bibidi bia ndekelu bidi bilua: Kabidi, “banjelu buonso” nebasadile Yezu udi musombe pa nkuasa wa bumfumu ne mutuadije kulumbuluisha matunga ne bantu ba pa buloba. (Matayi 25:31, 32) Bushuwa, mu mvita eyi ya nkomenu, muakumbajibua malumbuluisha a Nzambi mu mushindu wa kutuisha bionso ku ndekelu, Yezu neikale mutua mu nyima kudi banjelu bende.

NSHAPITA WA 41

dib. 296, §5, biambilu bitanu bia ndekelu bidi bilua: Mbanganyi balumbuluishibua kunyima kua dinyema dia buloba ne diulu? Ki mbashadile bela manyi ba ku bantu 144 000, bualu bakamana kulumbuluishibua ne kutuibua tshitampi. Pikalaku bela manyi pa buloba kunyima kua Armagedon, badi ne bua kufua tshikondo tshîpi kunyima, bua kupeta difutu diabu dia mu diulu ku dibiishibua. (1 Petelo 4:17; Buakabuluibua 7:2-4)

NSHAPITA WA 43

dib. 311, §19, biambilu bidi panyima pa mvese wa “Buakabuluibua 11:15; 12:10” bidi bilua ne: Mu matuku a ku nshikidilu, nyuma ne mukaji musela badi babikila bantu badi basue bua kulua kunua mâyi a muoyo tshianana. Mâyi a musulu eu neikalaku bua bantu aba too ne ku ndekelu kua ndongoluelu wa malu eu, ne kabidi neikalaku too ne mu bulongolodi bupiabupia, padi Yeruzaleme Mupiamupia ‘upueka ufuma mu diulu kudi Nzambi!’​—Buakabuluibua 21:2.

dib. 312, §26, biambilu bibidi bia ntuadijilu bidi bilua ne: Bena mu kasumbu ka mukaji wa Muan’a mukoko 144 000 badi mua kuikala munkatshi mua mitshi eyi idi ipetela mâyi mavule kudi musulu. Patshidibo pa buloba, buobo badi pabo badinuisha ku ndongoluelu idi Nzambi muangate ku butuangaji bua Yezu Kristo. Bualu bua dikema, badi babikila bana babo ne Yezu balela ku nyuma aba mu Bible ne: “mitshi minene ya buakane.” (Yeshayi 61:1-3; Buakabuluibua 21:6)