Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisa.

“Lelu eu malu a tshikisu adi miaba yonso. [Fila tshilejilu tshia muaba unudi anyi tshia mu tshibejibeji.] Ukadiku mudiebeje bua kumanya tshidi tshifikishe bantu ku dilua bena tshikisu nunku anyi? [Lekela muntu andamune.] Mukanda wa Nzambi ukavua mumanyishe ne: tshikisu netshivulangane. [Bala 2 Timote 3:1-5.] Tshibumba tshia Nsentedi etshi tshidi tshiandamuna lukonko lua ne: ‘Tshikisu netshijike dimue dituku anyi?’”

Réveillez-vous! Tshisa.

“Bantu ba bungi badi badiamba mudibu bena Kristo. Buebe wewe, kuikala muena Kristo ntshinyi? [Lekela muntu andamune.] Tangila tshiakamba Yezu bua bualu ebu. [Bala Yone 15:14.] Tshiena-bualu etshi tshidi tshileja ne: Kuikala muena Kristo kudi kulomba malu a bungi, ki nganu kuamba patupu ne: Ndi muena Kristo.” Leja tshiena-bualu tshidi mu dibeji dia 26.

Tshibumba tshia Nsentedi 1 Lum.

“Lufu lua muana lutu lushiya baledi ne kanyinganyinga kakole matuku a bungi. Kadi udi wela meji bishi, nnganyi udi mua kubasamba? [Lekela muntu andamune. Pashishe bala Lomo 15:5.] Tshibejibeji etshi tshidi tshileja imue mishindu idi Nzambi usamba nayi badi bafuishe wabu.”

Réveillez-vous! Lum.

“Padi bamue bantu batshionkomoka mu bubanji, bakuabu badi mu bupele bua lufu. Udi wela meji ne: nekulueku dituku dikuabu dikala bantu bonso ne bubanji bua muomumue anyi? [Lekela muntu andamune.] Tangila mudi Nzambi umona bapele. [Bala Musambu wa 22:24.] Réveillez-vous! eu udi uleja tshidi Bible ulaya bapele.”