Ndongamu wa Bisangilu bia Mudimu

Lumingu lua dia 13 Tshimungu

Musambu 20

Min. 15: Mamanyisha a mu tshisumbu. Angata ngenyi idi mu dibeji 8 anyi mikuabu idi miakanyine teritware wenu ne enzeja nayi manaya a tshilejilu a mua kufila Tshibumba tshia Nsentedi tshia dia 15 Tshimungu ne Réveillez-vous! wa Tshimungu. Mu dimue dia ku manaya aa, mumanyishi angate lumue lua ku ngenyi idi mu tshikoso 3 tshia dibeji 3 dia Mudimu wetu wa Bukalenge eu bua kujula lukonko lualuaye kuandamuna musangu udi ulonda. Akula bua “Programe mupiamupia wa mpuilu wa tshijengu.” Manyisha dituku dienzeka mpuilu eu bikaladi dikadi dimanyike.

Min. 15: Tukokelayi bulongolodi bua Nzambi. Muyuki ne diyukidilangana ne bateleji bimanyine pa nshapita wa 15 wa mukanda wa Bulongolodi budi buenza disua dia Yehowa.

Min. 15: “Tutendelelayi Yehowa mu dîku.”a Lomba bateleji bua baleje muvua kuyisha pamue ne bena mu dîku diabu kubambuluishe. Udi mua kuambila muntu umue anyi babidi bua kudianjila kudilongolola.

Musambu 48 ne disambila dia ndekelu.

Lumingu lua dia 20 Tshimungu

Musambu 100

Min. 10: Mamanyisha a mu tshisumbu. Akula bua “Programe mupiamupia wa mpuilu wa pa buende,” ne manyisha dituku dinuamuenza bikaladi dikadi dimanyike.

Min. 15: Tuadija kulonga ne muntu Bible anu dituku dia kumpala dinudi nupetangana nende mu Kabitende. Diyukidilangana ne bateleji. Mu ngondo wa tshitema, netufile mukanda wa Bible ulongesha ne kuenza muetu muonso bua kukonkonona bikoso bikese ne bantu batudi tupetangana nabu anu musangu wa kumpala. Konkonona ngenyi idi mu tshisakidila tshia Mudimu wetu wa Bukalenge wa Tshiongo 2006 ne enzeja dinaya dia tshilejilu dimue anyi abidi bua kuleja mutudi mua kutuadija kulonga ne muntu Bible anu dituku dia kumpala ditudi tupetangana nende.

Min. 20: “Mushindu udi Dilonga dia Mukanda dia Tshisumbu dituambuluisha.”b Panudi nufika mu tshikoso 5, sakidila ngenyi idi mu dibeji dia 41 dia mukanda wa Bulongolodi, tshikoso 2.

Musambu 6 ne disambila dia ndekelu.

Lumingu lua dia 27 Tshimungu

Musambu 98

Min. 10: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Angata ngenyi idi mu dibeji dia 8 anyi mikuabu idi miakanyine teritware wenu, enzeja nayi manaya a tshilejilu a mua kufila Tshibumba tshia Nsentedi tshia 1 Kabitende ne Réveillez-vous! wa Kabitende.

Min. 10: “Nudie bulunda ku diambuluisha dia biuma bibi.” Muyuki muenza kudi mukulu bilondeshile Tshibumba tshia Nsentedi tshia 1 Tshisua-munene 1994, dibeji 13-18.

Min. 25: “Tshipatshila tshimpe bua tshidimu tshipiatshipia tshia mudimu.”c Ela muntu umue anyi babidi bavua bampanda-njila bambuluishi matuku mashale aa nkonko. Mmalu kayi avuabu bashintulule mu programe wabu? Mmasanka kayi avuabu bapete? Koku mushindu, umue wa ku bantu baudi wela nkonko ikale muntu uvua mufike ku dilua mpanda-njila muambuluishi bua diambuluisha dia bena mu dîku diabu. Panudi nukonkonona tshikoso tshia 9, manyishe dituku dilua mutangidi wa tshijengu kukumbula tshisumbu tshienu bikaladi dimanyike.

Musambu 196 ne disambila dia ndekelu.

Lumingu lua dia 3 Kabitende

Musambu 50

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Vuluija bamanyishi bua kufila luapolo lua mudimu bua ngondo wa 8.

Min. 15: “Tudi banange mudimu muimpe utudi tuenza.”d Bilondeshile dîba didibu bakukosele, lomba bateleji bua kuakula pa mvese idi mu bikoso.

Min. 20: “Mua kutuadija kulonga Bible ne bantu batudi tushila bibejibeji.”e Enzeja kabidi dinaya dipi bilondeshile ngenyi idi mu tshikoso 2. Vuluija bamanyishi ne: tudi tutuadija kubala dilonga mukanda anu panyima pa tuetu bamane kudilombola misangu ibidi pa kumbusha musangu utuvua baleje muntu mututu dienzeka, ne kabidi anu padidi dimueneka ne: neditungunuke.

Musambu 2 ne disambila dia ndekelu.

[Mêyi adi kuinshi]