Ndongamu wa Bisangilu bia Mudimu

Lumingu lua dia 14 Tshiongo

Musambu 41

Min. 10: Mamanyisha a mu tshisumbu ne makuabu masungula a mu Mudimu wetu wa Bukalenge. Angata ngenyi idi mu dibeji dia 8 anyi mikuabu idi miakanyine teritware wenu bua kuenzeja nayi dinaya dia tshilejilu dia mua kufila Tshibumba tshia Nsentedi tshia 1 Tshiongo ne Réveillez-vous! wa Tshiongo.

Min. 15: “Kujimiji dîba paudi mu buambi.”a Ela muanetu wa balume utu ulombola tshisangilu tshia mudimu wa buambi bimpe nkonko. Ntshinyi tshituye wenza bua kulombola tshisangilu etshi bua kubenga kujimija dîba?

Min. 20: “Mêyi enu ikale matue bu luepu misangu yonso.”b Panudi nukonkonona tshikoso 2, nubale Yone 4:7-15, 39.

Musambu 85

Lumingu lua dia 21 Tshiongo

Musambu 215

Min. 10: Mamanyisha a mu tshisumbu. Tela mikanda ituafila mu ngondo muibidi mu buambi ne enzeja dinaya dia tshilejilu. Kankamija bantu bua kutangila bande wa video wa Soigner sans transfuser​—Besoins et droits du patient bua kudilongolola bua Tshisangilu tshia Mudimu tshia lumingu lua dia 4 Luishi.

Min. 10: Utu ubala kakanda ka Tukonkononayi Mifundu dituku dionso anyi? Muyuki ne diyukidilangana ne bateleji bilondeshile mêyi a mbangilu a kakanda ka Tukonkononayi Mifundu dituku dionso​—2008. Leja mushinga wa dikonkonona mvese wa ku dituku dionso ne diumvuija diende. Lomba bateleji bua baleje mutubu bakonkonona mvese wa ku dituku ne masanka adibu bapete bua bualu ebu. Muntu umue anyi babidi badi mua kudianjila kudilongolola. Akula mu tshikoso bua mvese wa tshidimu tshia 2008.

Min. 25: “Manyisha bantu lumu luimpe.”c (Tshik. 1-10) Kudi mutangidi wa mudimu. Ela muanetu umue anyi babidi bavua bampanda-njila bambuluishi tshidimu tshishale nkonko nansha muvuabu ne bia bungi bia kuenza anyi ne masama. Ntshinyi tshivua tshibambuluishe bua kuenza mudimu eu? Mmasanka kayi avuabu bapete? Panudi nufika mu tshikoso tshia 7, leja ndongamu unudi benze bua bisangilu bia mudimu wa buambi bua ngondo muisatu, muinayi ne muitanu.

Musambu 177

Lumingu lua dia 28 Tshiongo

Musambu 52

Min. 10: Mamanyisha a mu tshisumbu. Vuluija bamanyishi bua kufila luapolo lua mudimu bua Tshiongo. Bala luapolo lua konte ne mikanda idibu banutumine kudi biro bua kunuela tuasakidila. Diyukidilangana ne bateleji bilondeshile Tshibumba tshia Nsentedi tshia 1 Luishi ne Réveillez-vous! wa Luishi. Wewe mumane kumvuija mu tshikoso malu adi mu bibejibeji ebi, lomba bateleji bua baleje biena-bualu bidi mua kusankisha bantu ba mu teritware wenu ne tshidibi mua kubasankishila. Balomba bua baleje malu masunguluke a mu biena-bualu bidibu balongolole bua kuleja bantu. Nnkonko kayi idibu mua kuela bua kutuadija kuyukila ne bantu? Mmvese kayi udi mu tshiena-bualu udibu mua kubala? Mmunyi mudi mvese au upetangana ne tshiena-bualu? Angata ngenyi idi mu dibeji dia 8 ne enzeja manaya a tshilejilu bua kuleja mua kufila tshibejibeji tshionso.

Min. 20: “Manyisha bantu lumu luimpe.”d (Tshik. 11-17) Panudi nufika mu tshikoso tshia 14, pesha muntu yonso dibeji dia dibikila dia Tshivulukilu (panuikala bamane kuapeta) ne leja tshinudi balongolole bua kuabanya mabeji aa mu teritware wenu mujima.

Min. 15: “Ambuluisha balongi ba Bible bua balue bamanyishi ba lumu luimpe.”e Bilondeshile dîba didibu bakukosele, lomba bateleji bua kumvuija mvese idi mu bikoso.

Musambu 22

Lumingu lua dia 4 Luishi

Musambu 161

Min. 10: Mamanyisha a mu tshisumbu. Konkonona kazubu ka Mandamuna ku nkonko yenu.

Min. 10: Majinga a tshisumbu.

Min. 25: “Ukadi muuje anyi?” Kudi mukulu. Tuadija diakamue kuyukila ne bateleji bua bande wa Besoins et droits du patient bilondeshile nkonko idibu bele mu tshiena-bualu. Mu mêyi ebe a ndekelu, bala tshikoso tshia ndekelu ne ambila bateleji bua kubala ne ntema yonso biena-bualu bidibu babalombe bua kubala mu Tshibumba tshia Nsentedi ne Mudimu wetu wa Bukalenge. Umvuija mudi muntu yonso udi kayi muanji kuuja karte kende ka DPA mua kukuuja ku diambuluisha dia malu adibu baleje mu tshisakidila tshia Mudimu wetu wa Bukalenge wa Kasuabanga 2006 bua kusungula mishindu idiye musue bua bamondope ne kuyifunda pa karte kende ka DPA. Bana betu bakavua buuje tuarte tuabu tua DPA badi mua kukonkonona disungula divuabu benze ne padibi bikengela, kuujilula kakuabu karte.

Musambu 4

[Mêyi adi kuinshi]