Ndongamu wa Bisangilu bia Mudimu

Lumingu lua dia 11 Tshimungu

Musambu 63

Min. 10: Mamanyisha a mu tshisumbu. Ebeja bateleji bua kumvuijabu biena-bualu bidibu bamone ne: bidi mua kusankisha bikole bena mu teritware wenu. Ambila bateleji bua baleje malu masunguluke adi mu biena-bualu bidibu balongolole bua kuyukila ne bantu. Ndukonko kayi ludibu mua kutuadija nalu muyuki? Mmvese kayi udi mu tshiena-bualu udibu mua kubala? Longolola manaya a tshilejilu a mushindu wa kuenza mudimu ne ngenyi ayi.

Min. 15: Enza disua dia Nzambi kuyi ujingakana to. Muyuki muangatshila mu mukanda wa ‘Luaku, undonde meme’ mu dibeji dia 93-94, tshikoso tshia 12-13.

Min. 20: “Utu wenza nabi mudimu bimpe anyi?”a Ela mumanyishi umue nkonko udiku mupete bipeta bimpe pavuaye muenze mudimu ne tshimue tshia ku biena-bualu bipiabipia bia mu Tshibumba tshia Nsentedi tshia bantu bonso. Udi mua kuenzeja dinaya dia tshilejilu dia bualu ebu. Kabidi, ku diambuluisha dia ngenyi idi mu tshikoso 2, leja mushindu wa kutuadija kulongesha muntu ku diambuluisha dia tshiena-bualu tshia: “Malu atudi tumanyina kudi Yezu,” tshidi mu Tshibumba tshia Nsentedi tshia Kasuamansense-Tshisua-munene.

Musambu 26

Lumingu lua dia 18 Tshimungu

Musambu 135

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Nuyukidilangane pa “Programe mupiamupia wa mpuilu wa tshijengu.” Umanyishe dituku dienzeka mpuilu wa tshijengu pawikala mudimanye. Vuluija bateleji bua kuluabu ne Tshibumba tshia Nsentedi tshia dia Tshisua-munene ne Réveillez-vous! wa Kabitende mu Tshisangilu tshia Mudimu tshia lumingu ludi kumpala; badilongolole bua kuyukidilangana pa mushindu wa kubifila mu teritware wenu.

Min. 20: Mvuadilu wetu ne ndengejilu wetu wa mubidi atumbishe Yehowa. Muyuki wenzabu kudi mukulu. Bu mudi Yehowa muikale Nzambi wa tshijila, mankenda a mubidi adi ne mushinga wa bungi kudi bantu bende. (Ekes. 30:17-21; 40:30-32) Tudi tusankisha Yehowa, tumutumbisha patudi ne mvuadilu ne ndengejilu wa mubidi wa kutemba ku bantu, nangananga patudi mu mudimu wa buambi. (1 Pet. 2:12) Ku lukuabu luseke, tuetu bikale ne mvuadilu ne ndengejilu wa mubidi mubi tudi tuenza ‘bua dîyi dia Nzambi dipendibue.’ (Tito 2:5) Londa bualu kampanda buvua buenzeke mu teritware wenu budi buleja muvua mvuadilu mulenga wa mumanyishi kampanda mumuambuluishe bua kuyisha.

Min. 15: Bansonga badi bayisha ne dikima. Muyuki wa kukankamija nawu baledi ne bana babu bakadi pa kupingana mu tulasa. Vuluija bansonga bua kuyisha misangu yonso idi mushindu umueneka. Pikalaku dîba, lomba bateleji bua balondaku mushindu uvuabu bayishe pavuabu mu tulasa.

Musambu 61

Lumingu lua dia 25 Tshimungu

Musambu 24

Min. 15: Mamanyisha a mu tshisumbu. Bala luapolo bua konte ne mukanda wa dinuela tuasakidila bua mapa anuvua bafile. Nuyukidilangane pa “Programe mupiamupia wa mpuilu wa pa buende,” umanyishe dituku dienzeka mpuilu wa pa buende biwikale mudimanye.

Min. 15: Majinga a tshisumbu.

Min. 15: Tuikalayi badilongolole bua kufila Tshibumba tshia Nsentedi tshia dia Tshisua-munene ne Réveillez-vous! wa Kabitende. Diyukidilangana ne bateleji. Enza tshikepeshilu tshia bibejibeji ebi ne ebeja bateleji bambe biena-bualu bidi mua kusankisha bena mu teritware wenu. Ndukonko kayi lutudi mua kuela bua kuleja muntu tshiena-bualu atshi ne mmvese kayi utudi mua kubala? Leja mushindu udibu mua kuenza mudimu ne mushindu wa kufila bibejibeji udi mu Mudimu wetu wa Bukalenge. Lomba umue wa ku bakulu bua enze dinaya dîpi dia tshilejilu dia mua kufila bibejibeji dimanyine pa tshiena-bualu tshidiye mudilongolole tshidi tshiakanyine teritware wenu.

Musambu 196

Lumingu lua dia 1 Kabitende

Musambu 112

Min. 10: Mamanyisha a mu tshisumbu. Vuluija bamanyishi bua kufilabu luapolo lua mudimu wa buambi lua ngondo wa 8.

Min. 20: Nansha mudibu kule ki mbabapue muoyo to. Muyuki muangatshila mu Tshibumba tshia Nsentedi tshia dia 15 Tshisanga 2008 mu dibeji dia 25-28. Tela mêna a bena Kristo ba mu tshisumbu tshienu badi mu nzubu ya bakulakaje peshi badi basama bikole. Binuikala kanuyi ne muntu mu nzubu eyi anyi usama bikole, imanyina pa mibelu idi mu tshiena-bualu etshi bua kukankamija tshisumbu tshienu bua kuambuluisha muntu yonso udi ne bulema anyi udi kayi ne bukole bua kuenza mudimu ne tshisumbu.

Min. 15: Tutuadijayi kulongesha bantu Bible patudi tubapeta musangu wa kumpala mu ngondo wa 9. Diyukidilangana ne bateleji. Mu ngondo wa 9 netufile mukanda wa Bible ulongesha, nudienzeje bua kuyikila pa bikoso bikese ne muntu musangu wa kumpala unudi numupeta. Nuambulule malu a kuenza adi mu tshisakidila tshia Mudimu wetu wa Bukalenge wa Tshiongo 2006, wenzeje dinaya dia tshilejilu dimue anyi abidi bua kuleja mushindu wa kutuadija kulongesha muntu Bible musangu wa kumpala unudi numupeta.

Musambu 74

[Mêyi adi kuinshi]