Bantemu ba Yehowa batuku banyisha bitendelelu bikuabu anyi?

Tudi tutumikila mubelu wa mu Bible wa ‘kunemeka bantu ba mishindu yonso,’ nansha bobu ba mu tshitendelelu kayi. (1 Petelo 2:17) Tshilejilu, mu amue matunga mutu Bantemu ba Yehowa binunu nkama ya bungi. Nansha nanku, katutu tusaka bena malu a tshididi anyi bedi ba mikenji bua kukandikabu anyi kukangabu mudimu wa bitendelelu bikuabu to. Katutu nansha tuenza kampanye bua bele mikenji idi yenzeja bantu bua kulondabu bikadilu bietu ne malu atudi tuitabuja to. Kadi, tutu tuanyisha bitendelelu bikuabu anu mutudi basue bua biobi pabi bituanyishe.​—Matayi 7:12.