Kuanyishi bua kumupangila!

KUPANGILA tshinyi? Mpuilu udi wenda usemena ne lukasa wa Bantemu ba Yehowa wa “Batuadi ba mukenji wa ditalala dia Nzambi”! Mu miaba ya bungi mpuilu eu neatuadije ne mijiki pa dîba 9:30 mu dinda. Kunyima kua diteleja diela nkonko dikankamiji dia ditabuja mu tshitupa tshia “Diteleja bamanyishi ba ditalala ba mitalu,” neuteleje muyuki mukankamiji wa “Ntshinyi tshidi Nzambi utulomba?”

Bualu bunene mu Ditanu mu mapingaja nebuikale muyuki wa nshindamenu wa “Mudimu wetu bu batuadi ba mukenji wa ditalala dia Nzambi.” Pashishe tshitupa tshia “Diambuluisha bakuabu bua kulonga malu adi Nzambi ulomba” netshifile mibelu pa mushindu wa kulongesha bapiabapia. Netshilondibue kudi symposium mukumbanyine wa “Udimuke bua mateyi masokome a mu dijikija lutetuku.” Programe wa mu Ditanu neakomeshibue ne muyuki wa “Kandamenayi Diabolo​—Kanulekeledi ditembangana” ne wa “Disanyika ne bulamatshi Dîyi dia Nzambi mu ka-bujima kadi.”

Programe wa mu Disambombo mu dinda neele kashonyi pa mushinga wa mudimu wa dienza bayidi mu symposium wa bitupa bisatu wa “Batuadi ba mukenji bàdì batuala lumu luimpe lua ditalala.” Tshitupa tshia mu dinda netshijike ne muyuki wa “Kupa kua musangelu mu bulongolodi bua Yehowa.” ne wa “Muoyo ne ditalala ku diambuluisha dia diditshipa ne batismo,” kunyima kuayi bayidi bapiabapia nebapeshibue tshikondo tshia kutambuishibua.

Muyuki wa mu mapingaja mu Disambombo wa “Konkonona meji a Yehowa pa malu onso” newandamune ku nkonko bu mudi ‘Bena nkristo mbaditue mu mudimu wa diabuluja bantu lelu’eu anyi?’ ne ‘Mmuenenu wa Bible pa tshibawu tshia lufu udi tshinyi?’ Neubabidile kabidi symposium udi ulenga mutshima wa bitupa bibidi wa “Nzambi wa ditalala udi ukutabalela” ne nangananga muyuki wa nkomenu wa “Ipatshila ditalala dia Nzambi mu nsombelu wa mu dîku.”

Programe wa mu Dia lumingu mu dinda neakonge symposium wa bitupa bisatu wa “Disunguluja mushindu muimpe wa batuadi ba mukenji” ne muyuki wa “Teleja ne tumikila Dîyi dia Nzambi.” Programe wa mu dinda neajike ne drama wa tuyayi tukamona wafila malongesha a mushinga mukole muangata mu muyuki wa mu Bible wa Mulumbuluishi Jedeon.

Tshitupa tshia ndekelu tshia mu mapingaja mu Dia lumingu netshizangike muyuki wa patoke, udi ne tshiena-bualu tshia “Ndekelu wa bionso ditalala dia bushuwa!​—Difumine kuepi?” Ndekelu wa bionso, muyuki musonsodi wa “Tuyayi kumpala bu batuadi ba mukenji wa ditalala dia Nzambi” neufikishe mpuilu ku ndekelu.

Udilongolole kubangila ku mpindieu bua kubuela mu mpuilu eu. Bua kupeta muaba udi mutambe kuikala pabuipi ne nzubu webe, keba Nzubu wa Bukalenge wa Bantemu ba Yehowa ba muaba uudi musombele anyi fundila bapatudi ba tshibejibeji etshi. Nimero wa dia 15 Luishi wa Tshibumba tshia Nsentedi udi ne liste wa miaba yonso ya mpuilu mu Zaïre, Congo, Canada, États-Unis, Grande-Bretagne, ne Irlande.