Tuyishayi ne bande wa video wa Jusqu’aux extrémités de la terre

Mbanganyi badi mua kutangila bande wa video wa Jusqu’aux extrémités de la terre eu misangu ne misangu? Bonso badi bajinga kulua ba-misionere badi mua kumutangila. Bua tshinyi? Bua kudianjilabu kuibidilangana ne malu a mu Tshilongelu tshia Bible tshia Watchtower ku Gilada. Muanda munene udibu baleje mu bande eu mmufikilu wa bidimu 50 bia kalasa aka ka pa buaku kavuabu benze bua kualabaja mudimu wa buambi too ne ‘kumfudilu kua buloba.’ (Mus. 22:27) Wewe mutangile bande eu dianyisha diebe bua mudimu munene eu wa diyisha lumu luimpe nedivule ne nedikusake bua kuuvudija. Tuandamunayi nkonko eyi: (1) Nntshinyi tshivua bulongolodi bua Yehowa butamba kuditatshishila ku ntuadijilu kua bidimu bia 1940? (Bien. 1:8) (2) Mu tshidimu tshia 1942, mmulayi kayi wa mu Bible udi ukemesha uvua wenda ukumbana dîba adi ne mmushindu kayi uvua mmuenenu wetu wa malu mushilangane ne wa bena panu bonso? (Buak. 17:8; w89-F 15/4 dib. 14 tshik. 12) (3) Mmapangadika kayi avuabu bangate bua tshikondo tshia ditalala tshia kunyima kua Mvita Mibidi ya Buloba bujima? (jv-F dib. 522 tshik. 1-2) (4) Nngikadilu kayi ya balongi ba mu kalasa ka kumpala ka Gilada iudi umona ikusankisha? (5) Mu bidimu 50 bia kumpala bia katshia basa tshilongelu tshia Gilada, mbalongi bungi munyi bakapeshabu mapoloma ne bakabatuma mu matunga bungi munyi? (6) Ndilongesha dia mushindu kayi dia mu Bible didi balongi aba bapeta? (7) Ntshinyi tshidi tshivuija muntu misionere mupiluke ne mulongeshi wa Dîyi dia Nzambi mulenga? (8) Ba-misionere badi ne nsombelu wa mushindu kayi, ne ntatu kayi idi mua kubafikila? (9) Ba-misionere batu ne meji kayi bua nsombelu utubu nende, ne mmasanka kayi a pa buawu atubu mua kupeta bua nsombelu wabu eu udibu banyisha bua kudibudisha manga malu? (10) Mmudimu kayi ukadi ba-misionere aba binunu ne binunu benze katshia kuonso aku? Fila bilejilu. (11) Udi ne meji kayi bua bana betu ba balume ne ba bakaji badi baye too ne “kumfudilu kua buloba” bua kuyisha? (12) Tshilejilu tshia ba-misionere tshidi tshikukankamija bua kuenza tshinyi, ne mbua tshinyi udi wamba nanku?