Idikija mushindu mupepele wa kutuadija kuyukila ne bantu — TSHIBUTSHILU TSHIA MIKANDA TSHIA KU ENTERNETE tshia Watchtower

Idikija mushindu mupepele wa kutuadija kuyukila ne bantu

Diditatshisha dia muoyo mujima ditudi nadi bua bantu neditusake bua kujingulula majinga abu ne kubaleja mualua Bukalenge bua Nzambi kujikija ntatu yabu bua kashidi. (Filip. 2:4) Mushindu mupepele utu bamanyishi ba bungi bamona muimpe bua kutuadija kuyukila ne bantu ngua kulomba muntu bua kumvuija bimfuanyi bia malu a mu Mparadizu bidi mu mikanda yetu, bu ebi bidi mu mulongo udi ku dia balume dia dibeji edi. Udi mua kuenza mudimu ne umue wa ku mbuelelu idi ilonda eyi:

▪ “Udi wela meji ne: dituku dikuabu netumoneku bukua-bantu buonso ne disanka dia kashidi bu mudibi bileja mu tshimfuanyi etshi anyi?”

▪ “Tuetu bonso tudi basue bua bana betu bikala mu nsombelu wa buena udi pa tshimfuanyi etshi. Kadi udi wela meji ne: ntshinyi tshidi tshikengedibua bua kupeta nsombelu eu?”

▪ “Buloba nebuikale bu mudibi bileja mu tshimfuanyi etshi penzeka disua dia Nzambi pa buloba bu mudidi dienzeka mu diulu. Udiku umona dishilangana pankatshi pa tshimfuanyi etshi ne nsombelu udiku lelu’eu anyi?”

▪ “Udiku musue kuikala ne nsombelu wa buena udibu baleje mu tshimfuanyi etshi anyi? [Lekela muntu andamune.] Udiku wela meji ne: nsombelu eu neakumbane mu matuku etu aa anyi?”

Teleja ne ntema diandamuna dia muntu, ne bua kumanya tshidi mmuenenu wende, ela lukonko lukuabu lumue anyi ibidi. Nansha bikala bamue bandamuna ne: kabena basue kuikala ne nsombelu wa buena udi mu tshimfuanyi anyi ne: kabena bitabuja bua se: malu a mushindu’eu adi mua kuenzeka, kuambi diakamue ne: ki mbasue kumanya bivule to. Ne bukalanga buonso, udi mua kubakonka tshidibu belela meji mushindu’eu. Mandamuna abu adi mua kuleja mudibu ne kanyinganyinga ka bungi bua malu adi akuata bukua-bantu adibu bamona bu ne: kaena mua kujika to.—Yeh. 9:4.

Paudi ujingulula malu adi atonda muntu, longolola mushindu wa kuyukila nende bilondeshile nsombelu eu. Umuleja nangananga malu adi atangila Bukalenge atudi tuyisha biumvuangane ne tshidi tshitangila majinga ende. Muleja mvese umue anyi ibidi mu Bible idi itangila bualu budi bumutonda abu. (Tangila ngenyi mikuabu mu mulongo udi ku dia balume.) Mulekela adimuenena nkayende tshidi Dîyi dia Nzambi diamba. Yeye uleja dijinga dia kumanya bivule, umushila mukanda ne nuangate tshipungidi bua kumupinganyina tshiakabidi. Utungunka ne diyuki diebe pa binuvua bayukile musangu wa kumpala.

[Kazubu mu dibeji 6]

Bilejilu bia bimfuanyi bia Mparadizu

Mukanda wa Création: dibeji dia 237, 243, 251

Mukanda wa Mulongeshi: dibeji dia 251-254

Mukanda wa Dimanya: dibeji 4-5 ne dia 188-189

Broshire wa Utulomba: dibeji dia 11, 13

Mukanda wa Ditalala dia bushuwa: dibeji dia 98

Mukanda wa Tutendelelayi Nzambi: dibeji dia 92-93

[Kazubu mu dibeji 6]

Malu adi atonda bantu

Biyole bia nzala ne ndilu mubi

Musambu 72:16;