Kutachika kanu kakweji, mukupompa kwamukachi kamulungu mukwikalaña wanyi yina yibalu yisatu yachitwatela kuhosha. Ilaña, muChihandilu niMudimu Wanetu akwaKristu mukwikalaña chakuhanjeka nawantu kutachika nalwihu lwakwenzununa nachu, nsona nilwihu lwakuhanjeka hakufuntila kulonda mwakatachikilihu himwakafuntaku. Mulungu nimulungu kukwikalaña hohu kutalisha vidiyo yimu yachakuhanjeka nawantu. Mukwakushimwina wejima nateli kutonda mukanda muChikasha chetu Chayozelu kulonda yawuzatishi nawa nateli kuwuzatisha hakudizisha halwendu lwatachi hela kufuntila. Kubombelahu, mumukanda wakupompa mukwikalaña malwihu ayedi akuhanjeka hakufuntila. Iyi njila yikutukwasha kusha maana hakudizisha ‘antu ejima adi nanyichima yashinshika yakukeña kwikala nawumi wahaya nyaaka.’—Yil 13:48
Mpanji yaKadizi: Kadizi watela kumwekesha chakuhanjeka nawantu, chiña hohu neyi anashihu nshimbi yacheñi.