Shimwinenuña Nsañu Yayiwahi Nenu Ituña Dadiwahi Didi Kwakwihi!

Mukakweji kaNovember, tukazata hakumina ñovu jetu kulonda tukashimwini nsañu yayiwahi netu ituña dadiwahi didi kwakwihi. (Ms 37:10, 11; Chi 21:3-5) Talenu ndandanda yenu chiyidi kulonda mukatweshi kuzataku munaka kampeni. Munateli kusonekesha wupayiniya wakukwasha munaka kakweji, munateli kutondahu kuzata maora 30- hela 50 akeñekaña.

Diloñeshenu kulonda neyi chinatweshiki mukahanjeki nawantu amavulu hansona yinakuhosha hetuña dadiha. Neyi himukutonda nsona yakuzatisha, tondenu yinateli kuyishika antu amwiluña denu hamuchima. Neyi muntu namwekeshi mpwila halwendu lwatachi, mwinkenu Kaposhi Kakutalila kawantu amavulu kaNa. 2 2021. Kuhiñahu, mwendelenuña nawa esekenu kutachika kudiza nindi mubroshuwa yaLuñenu naWumi Haya Nyaaka! Twatiyaña muzañalu chikupu kushimwina “nsañu yayiwahi yayuma yayiwahi”!—Isa 52:7.

TALENU VIDIYO YAKAMINA KADIMENA ITUÑA DADIHA DINAKWINZA, NAWA AKULENU AWA MALWIHU:

• Chihandilwinyi chinafwikijeñayi kansi wamumbanda?

• Yumanyi yimunakukeña kumona mwituña dadiha?

• Indi kutoñojoka hakuchiñeja kumukweti kunateli kuyikwasha ñahi kulonda mwakadikiti mukampeni yamuNovember?—Luk 6:45