Progiramu Yayiha yaKupompa kwaÑinza

Ituña dinakukeña etu tukuhweleli chikupu netu dakatwalekañahu haya nyaka. Ilaña Izu daNzambi datulejaña mwacheñi. (1 Yow. 2:15-17) Datukwashañaku kwiluka netu kuhembela maheta heseki hikufwila kwamukunkulwayi. Hakukolesha antu jaNzambi, progiramu yakupompa kwañinza yachaaka chamudimu cha 2007 yikahosha hamutu wunakwila nawu ‘Hembelenu Maheta Mwiwulu.’—Mat. 6:19, 20.

Yitoñojoka yakufwila maheta anayibombeli hayuma yinatenuwu haAefwesesa 2:2 neyi ‘mwanta wamuluzwizu wañovu, spiritu yazatikaña katataka mudi anyana kawakwakujikwa.’ Neyi chochekala mpepela yayeni kumaluña ejima, yonañawu, dichekala ‘spiritu yetuña’ yatanda ituña dinu. (1 Kor. 2:12) Chineli yuma yekalamu yaluwañeshaña yasweja ñovu, ayitenaña nawu yikweti “wanta.” Progiramu yayiha yakupompa kwañinza yakatukwasha kutondolwela kwikala nayitoñojoka yakwituña yakufwila maheta nikwanukaña chikupu yuma yasweja kulema. (Mat. 6:33) Kubombelahu, progiramu yikatwikwasha kushindamena hadi Yehova hampinji yitunakukalakala mudimu wetu wakushimwina hela chakwila tudi mukweseka hela tunakumona mahuñu.

Chiña mwakawanikiku mafuku ejima ayedi ‘nikusweja kushaku muchima.’ (Heb. 2:1) Sonekenu nsañu yantesha hayikuma yimunateli kuzatisha mukuhanda kwenu nimumudimu wakushimwina. Kuhitila mukuwanikaku kufuma hakutachika kushika nihakukumisha kwaniyi progiramu yayiwahi yakuspritu, akayikwasha nikuyikolesha kutwalekahu ‘kuhembela maheta kwiwulu’!