‘Yakudya Yahampinji Yatelela’
1 Neyi tunamanishi dehi kupompa kwefuku dadimena kakavulu twahoshaña netu, “Iyi diyi nsañu yitwakeñaña.” Nkoñi wañinza wumu wasonekeli nindi hanyima yakutiyilila progiramu yayiha antu amakwawu amuñinza yindi ahosheli nawu adi nampwila yakuzata chikupu mudimu wakushimwina. Nkoñi wumu wendaña wahosheli nindi: “Yatukwasha kutoñojoka chiwahi kutalisha hayuma yitwafuukulaña muchihandilu chetu kwesekeja nampinji yitunashikumu.” Mukwawu wahosheli nindi, “Akwakushimwina amavulu ashimwini hatooka to-o nawu iku kupompa hichanukishu chakuyanukisha nawu atela kushinshika hayuma yalema chikupu, mudimu wakushimwina.” Indi kupompa kwefuku dadimena kwayikwashili ñahi?
2 Kupompa kwachaaka chamudimu chinakwinza nikwena kwakekala chuma chitwakeñaña. Mutu wunakwila nawu “Mukuhwelelenu Yehova,” kufuma mumukanda waMasamu 118:8, 9. Iyi diyi nsañu yikahanjekewa: “Chekalañayi Yehova Mpwembu haMwaka Wakumona Kukala,” “Kwashenu Amakwawu Kubatama muMpuula jaYehova,” “Mwimbujolenuña Yehova haKukwasha Amakwawu Kuwana Mwakubatama,” “Atwansi, Mukuhwelelenu Yehova!” ni “Paradisa Yetu yakuSpiritu, Chuma Chatuloñeshelayi Yehova Kubatamamu.”
3 Chitwatela Kuhetela muProgiramu: Chabidikawu ifuku dakupompa, mwatela kutanjika yuma chiwahi kulonda mwakapompi nikutambika atudizi enu aBayibolu. Hakwila nawu ‘tusoñi nyikabu nakutatakena,’ chiña tuhemba yuma yitukutiyaña. (Luka 8:15) Dichi mwatela kutiyilila nakanañachima kuprogiramu nikusoneka nsañu yantesha hayikuma yamaneni ninshimbi yimunakufwila kuzatisha muwumi wenu nimumudimu wakushimwina. Hanyima yakupompa, hanjekenu nsañu yimwadiza nachisaka chenu nikushinshika njila jimwatela kuzatisha iyi nsañu muchisaka chenu.
4 Kufwana yakudya yalupwembu nawa yinateli kutuña mujimba, kupompa kwefuku dadimena kwachinu chaaka anakuloñeshi nakashinshi nawa nakukeña. Yehova yoyikiswili chimukuzataña nañovu kulonda mukapompi nikuhetela muniyi ‘yakudya yahampinji yatelela’ yikakolesha wuspiritu wawankalakali akwaKristu.—Mat. 24:45.
[Malwihu aKuzatisha haKudiza]
1. Indi kupompa kwefuku dadimena kwakatataka kwayikwashili ñahi niantu amakwawu?
2. Yumanyi yitukadiza muprogiramu yachaaka chamudimu chinakwinza?
3. Tunateli kuhetelamu ñahi neyi tuya nakupompa?
4. Muloñadi chitwatela kutalila kupompa kwefuku dadimena kudi hambidi?