Twekala aYinsahu Mpinji Yejima
1. Chumanyi chitukudizilaku kunsañu yaYesu yamushimwininiyi mumbanda heshima?
1 Yesu wendeli hadi maora amavulu. Wazeyeli nawa watiyili mpwila. Chelili atumbanji twindi anayi dehi nakulanda yakudya, Yesu washakamini nakunooka kwakwihi neshima kunsa yamusumba waSamariya. Yesu hayili muSamariya nakushimwinaku, ilaña wahitileña hohu munjila nakuya kuŊaliliya nakushimwina. Hela chochu, watachikili kumushimwina ona mumbanda wenjili kwishima nakutaha menji. (Yow. 4:5-14) Muloñadi? Yesu watwalekeluhu kwikala ‘chinsahu washinshika nawa walala’ waYehova. (Chim. 3:14) Twamwimbujolaña Yesu kuhitila mukwikala aYinsahu jaYehova mpinji yejima.—1 Pet. 2:21.
2. Tunateli kudiloñesha ñahi kulonda tushimwini wunsahu wamumpanji?
2 Diloñeshenu: Tunateli kudiloñesha kushimwina wunsahu wamumpanji neyi tukusendaña nyikanda. Akwakushimwina amavulu asendaña matilakiti kumakasa akwinka akwakulandisha mujistolu, niakwakulandisha manji anyotoka niantu amakwawu akuwanawu hanodu ifuku. (Mukwa. 11:6) Muhela wavula kwenda waloñejaña Bayibolu yindi yanyanya nimukanda waChatañishaña Bayibolu mufuba yindi nawa wahanjekaña nawantu mwanashakaminuwu.
3. Tunateli kutachika ñahi mpanji?
3 Tachikenu Mpanji: Hakutachika wunsahu wamumpanji, bayi mushikena kutena nsañu yamuNsona hohenohuku. Hampinji yatachikiliyi mpanji nanona mumbanda heshima, Yesu hashikeneni kuditena nindi yami Mesiyaku. Wasambilili kulomba menji akunwa, kulonda yamusañumuni ona mumbanda. (Yow. 4:7-9) Muhela wumu weluka nindi kuzatisha iyi njila kwamukwashaña kutachika mpanji neyi amwihula neyi chakwila watiyaña kuwaha kwanakana mafuku akunooka. Chatela yahoshi nindi hinanakanaña mafuku akunookaku muloña nindi Chinsahu chaYehova, wahoshaña nindi, “Nafuukulahu kubula kwanakana.” Muntu wunehuli lwihu wafwilaña kwiluka chabulilañayi kwanakana, nakuletesha muhela kutachika kumushimwina.
4. Muloñadi mukanda waMatewu 28:18-20 chiwayisañumwinaña?
4 Hela chakwila, Yesu wamanishili kudikita mudimu windi waheseki, nihanu wuchidi kutala mudimu wakushimwina wunakuzatewa neyi chawuzatiliyi. (Mat. 28:18-20) Kufwana Chakutalilahu chetu Yesu, twekala aYinsahu adiloñesha kushimwina hatooka yuma yitwakuhwelelamu mpinji yejima.—Heb. 10:23.