Chakuzatisha Fomu yaMwani Mukeñenu Iwu Muntu (S-43)
Munateli kusoneka haniyi fomu neyi munawani muntu wunakukeña kudiza Bayibolu wabulaña kushakama mwiluña denu hela wahoshaña idimi dacheñi. Hela chakwila hakusambila twadiña nakusoneka haniyi fomu neyi tunawani antu ahoshaña idimi dacheñi chili anakukeña kudiza Bayibolu hela nehi, ichi twayizatishaña hohu neyi tuwana muntu wunakukeña kudiza Bayibolu. Ilaña neyi tuwana kamama tunateli kusonekahu. Neyi tuwana kamama, hela chakwila nakukeña kudiza Bayibolu hela nehi, tunateli kusoneka hafomu ya S-43.
Chumanyi chitwatela kwila neyi tunasonekuhu dehi hafomu? Twatela kumwinka nsoneki wamuchipompelu chetu. Neyi neluki kuchipompelu kwakutemesha nateli kuyitemeshela aeluda amuchina chipompelu kulonda akamukwashi muntu wunakukeña kudiza Bayibolu. Neyi chakwila nsoneki neluki wanyi chipompelu chakutemeshela, nateli kutemesha fomu yeniyi kukasanji kamutayi.
Neyi muntu wunakukeña kudiza Bayibolu wahoshaña idimi dacheñi nawa washakamaña mwiluña denu, munateli kutwalekahu kumwendela sampu nichakamwendelawu kudi mukwakushimwina wamuchipompelu chazatishaña idimi denodu.—Talenu Mudimu Wetu waWanta waNovember 2009, ifu 4.