Kuwahisha Njila Jetu Jakushimwinamu—Kushimwina Muntu Wahoshaña Idimi Dacheñi

Chikwalemena: Yehova wakeñaña nindi antu ‘amunyuza yejima’ amwiluki. (Yil. 10:34, 35) Dichi, Yesu wahosheli nindi nsañu yayiwahi akayishimwañena “mwahita matuña ejima mwashakamawu antu” ‘nikunyuza yejima.’ (Mat. 24:14) Zekariya waprofweteli nindi antu “akunyuza yamadimi ejima” aketeja. (Zek. 8:23) Kwesekeja nachimwenu chakapostolu Yowanu, hadi antu akapuluka lukadi lweneni hakekala niantu “akunyuza yejima, akunyichidi yejima, akumatuña ejima, akumadimi ejima.” (Chim. 7:9, 13, 14) Awa mazu akutuleñela kushimwina muntu wahoshaña idimi dacheñi neyi tumuwana mwiluña detu dakushimwina.