Diloñeshenu Kushimwina Kudi Antu Ejima

Neyi chapompesheleñayi Yehova aIsarela, nimakonu wapompeshaña antu jindi kulonda eleña nkeñelu yindi. Mukaayi kejima, tusanji twanyitayi, jiñinza, yipompelu nimazanvu amumudimu wamwiha azatilaña hamu kulonda ashimwini nsañu yayiwahi. Twashimwinaña antu ejima kushilahu niahoshaña idimi dacheñi.—Chi 14:6, 7.

Komana munakukeña wanyi kudiza muchidi wacheñi kulonda mukwashi antu kudiza chalala? Hela himukweti mpinji yakudiza muchidiku, munateli kuzatisha JW Language app kulonda mwiluki chantesha chakuhanjeka. Neyi munayizatishi dehi mukuzañalala neyi chazañaleliwu akwaKristu akusambila. Atiyili kuwaha chahayaminiwu antu akumatuña hakutiya “nyidimu yaNzambi yañovu” mumadimi awu.—Yil 2:7-11.

TALENU VIDIYO YINAKWILA NAWU, IKALENU IBWAMBU DAYEHOVA—SHIMWINENUÑA MWIDIMI DAKWITUÑA DACHEÑI, NAWA AKULENU AWA MALWIHU:

• 

  Mpinjinyi yimwatela kuzatisha JW Language app?

• 

  Yumanyi yekalahu?

• 

  Muchidinyi wazatishañawu antu amwiluña denu?

• Munateli kwila ñahi neyi muntu wahoshaña muchidi wacheñi yamwekesha mpwila yakudiza nsañu yaWanta?—od 100-101 ¶39-41