YUMA YALEMA YAMWIZU DANZAMBI
Kuwahisha Njila Jetu Jakushimwinamu Kushimwina Muntu Wejima Mwiluña Detu
CHICHALEMENA: Zekariya waprofweteleñahu dehi nindi antu akunyuza yamadimi ejima aketeja nsañu yayiwahi. (Zek 8:23) Hanu dinu anyi akayidizisha? (Rom 10:13-15) Tukweti kukooleka nimudimu wakushimwina nsañu yayiwahi kudi antu ejima mwiluña detu.—od 84 ¶10-11.
YUMA YIMWATELA KWILA:
Loñeshenu. Mwawanaña antu ahoshaña idimi dacheñi? Munateli kuzatisha JW Language app kulonda mudizi chakuhosha idimi dawu. Hela munateli kuzatisha foni kulonda mumukwashi kuwana nsañu yamwidimi dindi ha jw.org
Ikalenu asoñama. Neyi munakushimwina kwitala nikwitala, munateli kushimwina cheñi niantu anakuhita nianakuhembelela munyotoka. Neyi munakushimwina kumaluña kudantu amavulu, shenu maana hakushimwina antu ejima
Zatenu nañovu. Funtilenuña antu imwabulili kuwana hetala. Zatenu nañovu kulonda mushimwini muntu wejima hetala, hadaha kuhitila mukufuntaku mpinji yacheñi hela ifuku dacheñi mumulungu. Antu amakwawu twayishimwinaña kuhitila mukuyisonekela nyikanda, kuyitemeshela mafoni hela kuyishimwina munyikwakwa
Funtilenuñaku. Funtilenuñaku mumpinji-mumpinji kudi antu amwekesheli mpwila. Neyi owu muntu wahoshaña idimi dacheñi, lejenu muntu wunateli kumukwasha mwidimi dindi. Twalekenuhu kumulondela sampu munawani muntu wahoshaña idimi dahoshañayi.—od 94 ¶39-40
TAMBENU VIDIYO YAKUSHIMWINA “KWAKUMINA ISEKI DEJIMA” KUHIÑAHU HANJEKENU MALWIHU ANALONDELIHU:
Amanakwetu niahela adiloñesheli ñahi hakwila nawu ayi nakushimwina kwiluña dakwakulehi? (1Ko 9:22, 23)
Kukalanyi kwashindiliwu?
Nkiswinyi yadiluñishiliwu?
Munateli kwila ñahi hakwila mushimwini antu amavulu mwiluña denu?