“Nayiwanañahu Wanyi Hetala Mpinji Yejima!”

Mwahoshahu dehi awa mazu kutalisha hadi muntu wamwekesheli mpwila? Hela chakwila mwesekaña kuyendela mapampa kakavulu, himwatukumwinaña mbutu yachalala yimwatumbiluku. (1 Kor. 3:6) Mpinji yikwawu akwakushimwina akuluka yitembi asonekaña mukanda wakwinka antu abulaña kuwana hetala hela kushiya kachipapilu kwishina dachinsu. Akwakushimwina amakwawu elukaña nawu mpinji yikwawu hiyanateli kumuwana cheñi mwiniitalaku, dichi alombaña nambaala yanshiña yawu, nakuyihula nawu “Mukuñiteja kuyitemeshela mesaji?” Munateli kuchinda neyi munafuntiluku, neyi munasoneki mukanda, imelu, mesaji, hela neyi munashiyi chipapilu mwishina dachinsu chindi hela kuyitemeshela nshiña. Hela chakwila twayiwanaña wanyi hetala, tunateli kusañumuna mpwila yawu.