Kuwahisha Njila Jetu Jakushimwinamu​—Kushimwina Kuzatisha Foni

CHICHALEMENA: Kushimwina kuzatisha foni hinjila yimu yalema “[yakushimwina] chikupu wunsahu wansañu yayiwahi.” (Yil 20:24)* Yatukwashañaku kuyishimwina antu neyi chakwila yuma yinakali nawa tukuyendela wanyi kumatala.

CHIMWATELA KWILA:

• 

  Loñeshenu. Tondenu mutu watelela. Sonekenu yuma yimunakukeña kuhosha. Mwatela cheñi kusoneka mazu antesha anakumwekesha chuma chinaleteshi mutemeshi foni neyi ikina didu dinakwakula. Chikuwaha neyi mushakama hamesa nachipapilu chenu himunasoneki nsañu niyuma yikwawu yakuzatisha chidi neyi foni hela tabuleti yimunashinkuli ha JW Library^® hela ha jw.org^®

• 

  Wundishenu muchima. Hoshenu neyi chimwahoshaña dikalu. Tumbenu chimwemweta nikuzatisha makasa neyi kwiji munakudimona nindi. Bayi muhudikilañaku. Chikuwaha neyi muzataku nawakwenu. Neyi mwiniitala yehula lwihu, hoshenumu cheñi akwenu niwena atiyi kulonda ayikwashiku kwakula.

• 

  Hoshenu mazu akaletesha mwakafuntiluku. Neyi muntu yamwekesha mpwila, mushilenu lwihu lumwakakula himwakahanjeka cheñi. Munateli kumutemeshela imelu, kumutwalila mukanda hela kumutemeshelawu. Hela munateli kumutemeshela vidiyo hela chibaaba haimelu. Neyi chinatwesheki, mulejenu progiramu yaKudizila Bayibolu haIntaneti hela yuma yikwawu yidi hawebusayiti yetu.