Be Ibiro Bedo Painia Makonyo?
1. Ang’o momiyo kinde Rapar miyowa thuolo maber mar lendo e okang’ momedore?
1 Kinde Rapar miyowa thuolo maber sidang’ mar lendo e okang’ momedore. Bende, en kinde ma wamedoe paro matut kuom hera ma Jehova oherowago ma nomiyo ochiwo Wuode obedonwa rawar. (Joh. 3:16) Sama waparo matut kamano, wamedo goyo ne Jehova erokamano ahinya, kendo mano miyo wamedo siso ma wan-go mar konyo jomamoko mondo ong’eye kaachiel gi gik ma otimo ne dhano. (Isa. 12:4, 5; Luka 6:45) E kindeno bende, wajotimo kampen makende mar gwelo ji e Rapar. Bang’e, watemoga matek mondo wadog limo joma obiro e Rapar. Be ibiro bedo painia makonyo e dweche mag Mach, April, kata Mei mondo ilend e okang’ momedore?
2. Ang’o momiyo dwe mar Mach en dwe maber ndi gi bedo painia makonyo?
2 Mach En Dwe Makende: Nitie gik mang’eny momiyo dwe mar Mach biro bedo maber ndi gi tij painia makonyo. Jopainia makonyo biro yiero lendo kuom seche 30 kata 50. Ka jarit-alwora limo kanyaklau e dweno, jopainia makonyo nyalo bedo e romo duto ma jarit-alwora biro timo gi jopainia mapile kod makende. Kampen mar gwelo ji e Rapar ma nobed chieng’ Tich Ariyo, Mach 26, 2013 ibiro chaki Mach 1, manyiso ni wang’ni ibiro tim kampenno kuom kinde malach moloyo higini mosekalo. E wi mago, dwe mar Mach nigi Ngeso abich kod Jumapinde abich. Donge ineno gimomiyo ber ka inono kabe inyalo lendo e yo makende e dwe mar Mach?
3. Ere kaka wanyalo ikore ne lendo e okang’ momedore?
3 Ikri Sani: Ka diher bedo painia makonyo e dwe makendeno, ma e sa mowinjore inonrie mondo ine lokruok manyalo dwarore ni itim e chenroni. Chenro ma kamano jadhiga maber ka joot ong’ado paro kanyachiel, omiyo e Lamo mar Joot maru, wuouru kuom chenro munyalo keto kaka joot. (Nge. 15:22) Ka nitie gima nyalo moni bedo painia makonyo e dweno, kik chunyi nyosre. Pod inyalo loko chenroni mondo ilend kuom seche momedore e odiechienge mijadhiye lendo. Bende, inyalo medo odiechieng’ achiel mar lendo e wi odiechienge milendoega e juma.
4. Gin ber mage ma wabiro yudo ka walendo e okang’ momedore e dweche mag Mach, April, kod Mei?
4 Ka walendo e okang’ momedore e dweche mag Mach, April, kod Mei, mor ma wan-go biro medore nikech watiyo ne Jehova kendo wachiwore e konyo jomamoko. (Joh. 4:34; Tich 20:35) To gimaduong’ moloyo en ni kinda ma watimo biro miyo chuny Jehova mor.—Nge. 27:11.