NGIMAWA KAKA JOKRISTO
En Karang’o Kendo ma Abiro Timoe Painia Makonyo?
Fweny ma ne Ezekiel oneno nyiso ni Jotich Jehova ne dhi golo chiwo moa e chunygi. Ere kaka ng’ato ka ng’ato nyalo golo chiwo mar misango mar pak?—Hib 13:15, 16.
Yo achiel maber en timo painia makonyo. E higa mar tijwa ma 2018, nitie dweche mang’eny ma nigi Ngeso abich kod Jumapil abich. Mae nyalo konyo joma odich e kor juma to yudo mana thuolo mar lendo e giko juma. E wi mano, jolendo nyalo yiero lendo kuom seche 30 kata 50 e dweche mag Mach kod April kaachiel gi kinde mag limbe mar jarit-alwora.
To nade ka ok wanyal bedo painia makonyo? Pod wanyalo medo lony e yo ma walendogo kod seche ma watiyogo e tij lendo. Bed ni wan e chal mane, hera ma waherogo Jehova biro miyo wachiwre kendo watim duto ma wanyalo e tij lendo e higa mar tijwa ma 2018!—Hos 14:2.
Ere kaka anyalo bedo gi kinda kaka mar Sabina Hernández?
NEURU VIDIO MA WIYE WACHO NI ANYALO TIMO GIK MANG’ENY NIKECH JEHOVA MIYA TEKO, KAE TO UDUOK PENJO MALUWOGI:
Ang’o ma jiwoga Sabina mondo omed bedo gi kinda e tiyo ne Jehova?
Ere kaka ranyisi mar Sabina jiwi?
Gin dweche mage ma inyalo bedo painia makonyo e higa mar tijwa ma 2018?