Ang’o ma Pinyruodh Nyasaye Biro Timo?

Dwoko ma Muma Chiwo

Pinyruodh Nyasaye biro kawo kar sirkande duto mag dhano kendo obiro locho e piny duto. (Daniel 2:44; Fweny 16:14) Bang’ mano, Pinyruodh Nyasaye biro . . .

• Golo joma richo duto ma timbegi miyo ji chandore. “Nogol jo maricho oko e piny.”—Ngeche 2:22.

• Tieko lwenje. ‘[Nyasaye] miyo lwenje rumo nyaka giko piny.’—Zaburi 46:9.

• Miyo ji odag e ngima maber kendo ma nigi kuwe. “Ng’ato ka ng’ato e tiend yadhe mar mzabibu kendo e tiend ng’ope; kendo onge ng’a ma nobwoggi.”—Mika 4:4.

• Loko piny obed Paradiso. “Thim kod piny mowe nomor; mi gweng’ motuwo ma onge gi moro motwi noil, mi maua kaka ondanyo nobedie.”—Isaiah 35:1.

• Miyo ji tije ma gimorgo. “Jogo mayiedho nomor gi tich luetegi ndalo mang’eny ni mar ok giniti nono.”—Isaiah 65:21-23.

• Golo tuoche. “Japiny ok nowachi, Atuwo.”—Isaiah 33:24.

• Gonyowa kuom bedo moti. “Eka dende nobed mapoth moloyo dend nyathi; Obedo kaka nobet ka podi ne en rawera.”—Ayub 33:25.

• Chiero jomotho. ‘Ji duto manie liete nowinj dwond [Yesu] mi giniwuog oko.’—Johana 5:28, 29.