Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • w10 1/1 ite mar 24-25
  • Puonj Nyithindi

Hakuna video yoyote kwa sasa.

Samahani, haikuwezekana kupakia video.

  • Puonj Nyithindi
  • Ohinga mar Jarito ma Lando Wach Pinyruoth (Mar Puonjruok)—2010
  • Habari Zinazolingana
  • Be Ipenjo Pile ni, “Jehova ni Kanye?”
    Wach ma Nyasaye Wachonwa Kokalo Kuom Jeremia
  • Jeremia Ne Ok Oweyo Wuoyo E Wi Jehova
    Puonj Nyithindi
  • Jehova Ooro Jeremia Mondo Oland Wachne
    Weche Minyalo Puonjori e Muma
  • “Aseketo Wechena e Dhogi”
    Wach ma Nyasaye Wachonwa Kokalo Kuom Jeremia
Pata Habari Zaidi
Ohinga mar Jarito ma Lando Wach Pinyruoth (Mar Puonjruok)—2010
w10 1/1 ite mar 24-25

Puonj Nyithindi

Jeremia Ok Noweyo Migawone

BE SECHE moko iwinjo ka chunyi ool kendo igombo weyo tich momiyi?—a Ji mang’eny winjo kamano. Kane en e rawera, Jeremia bende chunye ne ol. Kata kamano, ne ok oweyo weche ma jomoko ne wacho kata timo, mondo omi owe migawo ma ne omiye. Weuru wane ane kaka Jeremia ne en ng’at makende e nyim Nyasaye, to ema pod chunye ne nyosore kodwaro weyo migawo momiye.

Kane pok onyuol Jeremia, Jehova Nyasaye, noyiere mondo obed janabi kendo ochiw siem ne ji konyisogi ni ne ok gitim kaka Nyasaye dwaro. Be ing’eyo gima Jeremia nowacho ne Jehova higini moko bang’e?— Ne owacho kama: “Ne, ok anyal wuoyo, ni kech an nyathi.”

Iparo ni Jehova nodwoko Jeremia nade?— Ne odwoke e yo mamuol kojiwe kama: “Kik iwach ni, An nyathi: ni mar inidhi ir jo manadi kaka aori, kendo iniwach duto machiki. Kik iluor.” Nikech ang’o? Jehova nowachone kama: “Ni mar an kodi mondo agoli e chandruok.”—Yeremia 1:4-8.

Kata kamano, mana kaka ne waseneno, bang’e podi Jeremia chunye ne ool. Mano ne otimore nikech ji ne jare nikech ne otiyo ne Nyasaye. Jeremia nowacho kama: ‘Ji nyiera pile, kendo giseya.’ Kuom mano, nong’ado mar weyo migawone. Nowacho niya: “Anawe wache [Jehova], anawe lando weche e nyinge.” Be noweyo timo kamano?

Jeremia nowacho niya: ‘Ei chunya wach Jehova ne chalo ka mach maliel matieko denda, kendo ne aol gi geng’o dhoga.’ (Yeremia 20:7-9) Kata obedo ni kinde moko Jeremia ne bedo maluor, hera ma ne en-go kuom Jehova ne miyo ok nonyal weyo migawone. Weuru wane kaka Nyasaye norito Jeremia nikech ok noweyo migawone.

Jehova nowachone Jeremia mondo ochiw siem ne ji konyisogi ni, ka ok giweyo yoregi maricho to Jerusalem ne idhi kethi. Kane Jeremia ochiwo siemno, mirima nomako jogo kendo ne giwacho ni: “Ng’atni owinjore otho.” Kata kamano Jeremia nosayogi mondo ‘giwinj dwond Jehova.’ Kae to nowachonegi kama: ‘Ng’euru chutho ni kunega to uchwero remb ng’at ma ok oketho nikech Nyasaye oseora mondo awach wechegi duto e itu.’ Be ing’eyo gima ne otimore bang’ mano?—

Muma wacho kama: “Jodong gwenge kod ji duto ne giwacho ni jodolo kod jonabi: ‘Ng’atni ok owinjore otho, ni mar oseloso kodwa gi nying Jehova Nyasachwa.’” Nikech Jeremia ok noweyo migawone kata obedo ni ne oluor, Jehova ne orite. We wane ane gima ne otimore ne Uraya, janabi machielo mar Jehova, ma notimo gik moko e yo mopogore.

Muma wacho ni ‘Uraya ne odhi nyime koro wach kuom Jerusalem, kotiyo gi weche kaka mag Jeremia.’ Kata kamano, kane Ruoth Jehoiakim obedo gi mirima kod Uraya, be ing’eyo gima Uraya notimo?— Luoro ne omake, moweyo timo dwaro mar Nyasaye, kendo noringo ma odhi Misri. Omiyo ruoth nooro joote mondo odhi omany Uraya Misri, mondo gikele ir ruoth. Bang’ mako Uraya, be ing’eyo gima ruoth marachno ne otimo?— Ne onego Uraya gi ligangla!—Yeremia 26:8-24.

Ang’o momiyo inyalo wacho ni Jehova norito ngima Jeremia to ok norito Uraya?— Kuom adier, nyaka bed ni Jeremia ne luor mana kaka Uraya, to kata kamano Jeremia ok noweyo tiyo ne Jehova kendo ne ok oringo. Jeremia ok noweyo migawone. En puonj mane mwanyalo yudo kuom ranyisi mar Jeremia?— Ni seche moko wanyalo yudo ka ok yot timo gima Nyasaye owacho, kata kamano onego waket geno kuome, kendo luwo kaka odwaro.

[Weche moler piny]

a Kapo ni isomo gi nyithindo, dash moket en ni mondo oparni ichung somo matin kendo ipenj nyithindogo penjono.

Penjo:

○ En tich mane ma Nyasaye nomiyo Jeremia?

○ Ang’o momiyo Jeremia ne dwaro weyo tijno?

○ Ang’o momiyo Nyasaye norito ngima Jeremia, to ok notimo kamano ne Uraya?

○ Ang’o misepuonjri kuom ranyisi mar Jeremia?

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki