Chokruog-Distrikt mar Joneno mag Jehova Higa 2008
1. (a) Ang’o momiyo puonj ma Paulo ne omiyo Jokristo ma Jo-Hibrania tiyo ahinya e kindewagi? (Som Jo Hibrania 10:24, 25.) (b) Wabiro yudo thuolo mane mar tiyo gi puonj ma Paulo ne ochiwo?
1 Jaote Paulo ne ojiwo Jokristo ma Jo-Hibrania mondo ochokre kanyachiel mondo gijiwre ng’ato gi ng’ato “moloyo to ka koro” gineno chieng’no ni sudo machiegni. (Hibr. 10:24, 25) Gik manyiso ni “chieng’no”, ma Paulo ne owuoyo kuome sudo machiegni ahinya medo nenore! Kuom mano, wagombo ahinya nwang’o thuolo mag romo kod owete gi nyiminewa mondo wayud puonj mag Nyasaye manyalo tayowa e kinde mag chandruok mamedoregi ma gin “ndalo mag giko.” (2 Timo. 3:1) Thuolo ma kamano biro yudore e chokruok mag distrikt mabiro timore e higa mar 2008.
2. (a) Ang’o momiyo en gima dwarore ahinya mondo ibedi e odiechienge adekgo duto mag chokruog-distrikt? (b) Onego wachak timo ikruok mage mag bedo e chokruogno?
2 Bedie Kuom Odiechienge Adekgo: Wajiwi mondo ibedie chokruok kuom odiechienge adekgo duto. Ka ok ‘wawe chokruokwa kaachiel,’ puonj madwarore ma ibiro chiw e chokruogno ok bi bawa. (Hibr. 10:25) Chak timo ikruok mapiyo kaka nyalore. Ber mondo inyis ng’at mondiki tich chon mondo otim lokrouk moro amora madwarore. Ka nyithindi biro bedo ni dhi skul e kinde mag chokruog-distrikt maru, to inyis jopuonjgi chenro ma in-go. Ler nigi ni chokruog-distrikt en kit lamo mari ma pile. Inyalo bedo gadier ni ibiro yudo gweth mag Jehova e kinda mitimo mar dwaro Pinyruoth mokwongo.—Math. 6:33.
3. Gin yore mage ma wanyalo nyisogo ni waketo jomoko e paro?
3 Kony Joma Moko Mondo Obedie: Paulo bende ne okwayo owetene mondo ng’ato ka ng’ato “opar owadgi.” (Hibr. 10:24) Be nitie owete gi nyimine e grubu mar Puonjruok mar Buk mar Kanyakla ma dwaro kony mondo gidhi e chokruog-distrikt? Be inyalo konyo jopuonjreni mag Muma mondo odhi kodi e chokruog-distrikt, kata ka ginyalo bedoe mana kuom odiechieng’ achiel? Sama inyiso joodi ma ok gin Joneno wach chenro magi mag dhi e chokruog-distrikt, gwelgi mondo gibi kodi. Kinda ma inyiso e yor hera nyalo kelo gweth ma ne ok igeno yudo.
4. Ere kaka wanyalo yudo weche kuom tarik kod kuonde mag chokruog-distrikt mopogore opogore?
4 Yudo Weche mag Chokruok: Igoyo ne ofis simbe mang’eny higa ka higa ka ji penjo kama ibiro timie chokruog-distrikt kod tarik. Chiegni ni simbegi duto a kuom owete gi nyimine ma oseyudo wachni. Ka pok ugocho ni ofis, waneno ni mokwongo ung’i Mnara wa Mlinzi mar Mach 1, 2008, mar Swahili kata Tijwa mar Pinyruoth mar Februar 2008.
5. Ang’o monego watim ka wadwaro wach moro kuom kar nindo e chokruog-distrikt mopogore gi ma kanyaklawa onego odhiye?
5 Kapo ni ibiro dhi e chokruog-distrikt mopogore gi ma kanyaklau biro dhiye, inyalo yudo wach kuom yudo kar nindo ka indiko kitiyo gi nonro mar chokruogno kaka onyisi e tok fom mar Ombi la Mahali pa Kulala kwa Wenye Mahitaji ya Pekee ma sani tiyo. Fomgi ibiro or ne jogoro duto mag kanyakla. Mondo omi iyud dwoko mar barupi, ne ni kaachiel gi barupino, ioro bahasa machielo manyien ma iseketoe stamp kendo ndikoe nyingi, kod nonro mari mar posta.
6. Moko kuom gik ma iparonwa kuom fom mar Ombi la Mahali pa Kulala kwa Wenye Mahitaji ya Pekee gin mage?
6 Dwaro Makende: Ka achiel kuom jalendo ei kanyakla kwayo kony mar yudo kar nindo, Komiti Matayo Tij Kanyakla onego ng’i ka be jalendono owinjore chiwo fom mar Ombi la Mahali pa Kulala kwa Wenye Mahitaji ya Pekee. Ka pok jagoro mar kanyakla ooro fomno ne Migawo Mochung’ne Kar Nindo [Idara ya Mahali pa Kulala] e chokruogno, weche manyiso gima onego otim ma yudore e fomno kod ma ne ochiw e barua mar Desemba 14, 2007 ne jodong-kanyakla duto onego ng’i.
7. Ere kaka wanyalo riwo lwedo chenro ma oseketi kuom wach yudo kar nindo?
7 Mako Od Nindo ei Otel: Kapo ni idwaro kony mar Migawo Mochung’ne Kar Nindo e yudo otel mowinjore kodi, to indiki chon. Nyis pesa minyalo chulo kuom ng’at achiel odiechieng’ kodiechieng’; kwan mar otieno mibiro nindoe kod ka be idwaro nengo moriwo kar nindo kod gago mar okinyi, koso nindo kende.
8. (a) Wanyalo miyo Jehova duong’ e yore mage ka wan e chokruogewa mag distrikt? (b) Weche mage ma osewachi gi jotich mag otende nikech timbe mabeyo mag owetewa?
8 Timbe Mabeyo: Luwo chik Jehova manyisowa mondo wachokre e lamo miyo ‘wayudo konyruok’ wan wawegi. To moloyo, timo kamano miyowa thuolo mag miyo nying Jehova duong’. (Isa. 48:17) ‘Timbewa mabeyo nenore ratiro’ ne ji mang’eny e chokruoge mag distrikt, kendo jomoko kuomgi osewacho kaka ginenowa. (1 Timo. 5:25) E dala moro maduong’ kama osetimie chokruogewa kuom higini mang’eny, mneja mar otel moro ne oyie kama: “Weche mang’eny ihinyo wacho e dalani kuom Joneno mag Jehova kod kaka waneno chokruok maru mar distrikt. Wang’eyo kaka jou luoko od muspal mutimoe chokruok, kendo waneno kuyweyo kuonde michungoe mtokni. En gima miyowa mor ahinya bedo gi jou e ndalo yweyo mabedoe kinde oro. Wageno ni wabiro dhi nyime gi tudruokwa e higini mabiro.” Bang’ wuoyo kuom chandruok ma giseyudo kuom grube moko kod joma tiyo tij miyo ji mor manindo e otendgino, mneja moro mar otel ne owuoyo kuom chuny maber mar winjruok kod nano ma owetewa nyiso e kinde ma gibedoe e otendgino. Ne owacho ni, “Mad ne wendwa duto obed kaka Joneno mag Jehova!” Timbe mag owetewa ma ne omiyo wechegi kod moko machalo gi mago owachi, nyaka bedni miyo chuny Nyasachwa Jehova bedo mamor!
9. Mathayo 4:4 jiwo nade gimomiyo winjo twak ka twak e chokruog-distrikt en gima dwarore ahinya?
9 Yesu ne owacho ni ngimawa otenore kuom winjo “weche duto mowuok e dho Nyasaye.” (Math. 4:4) E chokruogewa mag distrikt mitimo higa ka higa, Jehova chiwo “chiemo e kinde makare,” ma iiko gi “jatichno mogen, kendo mariek.” (Math. 24:45) Tich mang’eny osetim mar iko kendo chiwo nyasi maduong’ni mar gago e Wach Nyasaye. Wabeduru joma nigi erokamano kuom hera ma Jehova nyisowa ka wabedo e chokruog-distrikt kendo winjo twak ka twak e programno.
[Weche manie ite mar 3]
Seche mag Program:
Tich Abich kod Ngeso
3:20 okinyi - 10:55 odhiambo
Jumapil
3:20 okinyi - 10:00 odhiambo