Chokruog-Distrikt mar Joneno mag Jehova Higa 2009
1. (a) Gin gweth mage mwabiro yudo kuom bedo e odiechienge adek duto mag chokruog-distrikt? (b) Gin chenro mage monego wachak timo sani?
1 Waduto wageno ahinya thuolo mar bedo e chokruog-distrikt ma 2009 gi jowetewa mapako Jehova ma “nigi chan e chunygi” mar winjo wach Nyasaye. (Math. 5:3) Nikech odiechieng’no mar Jehova okayo machiegni, wajiwo ng’ato ka ng’ato mondo obedie e odiechienge adek duto, mondo omi oyud kony thuth kuom bedo kanyaachiel gi Jokristo wetene ma johera kendo jiwruok e yie, kaachiel gi yudo kony kuom puonj mar wach Nyasaye ma jiwowa mondo wanan e yie. (Zef. 1:14) Nyisuru jopuonj mag skul kaachiel gi joma ondikou tich mondo ging’e ni chokruogni en gima dwarore ahinya e lamo maru. Los chenro mari chon ka in gi chir, kendo kwa Jehova mondo ogwedhi, kendo inyalo bedo gadier ni obiro konyi.—Isa. 50:10.
2. Wanyalo geno neno ang’o e chokruoge mag distrikt kata obedo ni ok ogwelwa e chokruok moriwo pinje?
2 Chokruoge Moriwo Pinje: To nikech chokruogegi ok bi tim e pinje koda e taonde duto, jogo kende ma ochan ni onego odhi e chokruogni, ema onego otim kamano. Kuom luwo wachno wabiro miyo ji ok bed mang’eny mokalo tong’. (1 Kor. 14:40; Hib. 13:17) Kata kamano, chokruoge mang’eny mag distrikt bende biro ting’o owete mowuok e pinje mamoko mana kaka chokruoge moriwo pinje, nikech jo misonari mang’eny, jogo matiyo e Bethel manie pinje mawelo, koda jogo matiyo tij Nyasaye e pinje mamoko, biro dhi e chokruoge mag distrikt manie pinje ma giwuokie.
3. Ere kaka wanyalo nyiso jomoko e kanyaklawa hera mar Jokristo?
3 Konyo Jomoko Biro e Chokruok: Be nitie jomoko e kanyaklau madwarore ni okony mondo omi gidhi e chokruog-distrikt? Sama ikonyo jomoko dhi e chokruok mar distrikt, mano nyiso ni ok ‘ine mana gigi iwuon to ineno mag jomoko bende.’—Fili. 2:4.
4, 5. Ka biro dwarore ni idhi e chokruok machielo mopogore gi mano ma osechan ne kanyaklau, ang’o monego itim?
4 Yudo Weche mag Chokruok: Mondo omi simo ma igoyo ne ofis kuom wach tarik koda kuonde timo chokruok, kik bed mang’eny, ne ni ikwongo ing’iyo Ohinga mar Jarito ma Mach 1, 2009, Tijwa mar Pinyruoth ma Februar 2009, kata wuoyo gi jagoro mar kanyaklau mondo iyud weche momedore.
5 Kapo ni ibiro dhi e chokruog-distrikt mopogore gi ma kanyaklau biro dhiye, to inyalo ndiko ne ofis mochung’ne migawo mar kar nindo kitiyo gi adres manie tok fom masani mar Ombi la Mahali pa Kulala kwa Wenye Mahitaji ya Pekee. Fomgo ibiro or ne jogoro duto mag kanyakla. Mondo omi iyud dwoko, ne ni kanyachiel gi barupino iketo bahasa machielo ma iseketoe stamp kendo ndikoe nyingi koda adres mari.
6. Gin weche mage monego oluw sama jalendo ma nigi dwaro makende kwayo kony e yudo kar nindo?
6 Dwaro Makende: Ka achiel kuom jalendo ei kanyakla kwayo kony mar yudo kar nindo, Komiti Matayo Tij Kanyakla onego ong’i kabe jalendono owinjore chiwo fom mar Ombi la Mahali pa Kulala kwa Wenye Mahitaji ya Pekee. Onego ginon weche manyiso gima onego otim ma yudore e fomno, kapok jagoro mar kanyakla ooro fomno ne Migawo Mochung’ne Kar Nindo (Idara ya Mahali pa Kulala).
7. Ang’o mwanyalo timo e sama wamako kar nindo e otel?
7 Mako Od Nindo Ei Otel: Kapo ni idwaro kony mar Migawo Mochung’ne Kar Nindo e yudo otel mowinjore kodi, to indiki chon. Nyis pesa minyalo chulo kuom ng’at achiel e odiechieng’ kodiechieng’; kwan mar otieno mibiro nindoe kod kabe idwaro nengo moriwo kar nindo kod gago mar okinyi, kata kar nindo kende.
8. Ere kaka wanyalo riwo lwedo chenro moseketi gi Migawo Mochung’ne Kar Nindo?
8 Kik imak udi mag nindo ma ok ibi tiyogo, kata ka oyudo isemako kar nindo, kik iketh chenrono nikech tiyo gi otel machielo. Kuom luwo chenro moketno, ibiro konyo ng’ato ka ng’ato mondo oyud kar nindo e otel gi nengo mowinjore.—1 Kor. 10:24.
9. En ang’o monego wanon ahinya sama waikore ne chokruog-distrikt koda sama wabiro bedo e chokruogno e higa 2009?
9 Tije ma Miyo Nyasaye Duong’: Sama watimo gik moko duto kaluwore gi nyak mar roho, kendo nono wechewa koda kido mwanyiso e sama wawuoyo gi jotich mag otel koda jomamoko e taon kata gweng’ mitimoe chokruok, wamiyo nying’ oganda Jehova medo bedo maber, kendo ok wabi chwanyo jomoko. (1 Kor. 10:31; 2 Kor. 6:3, 4) We mondo bedoe mari koda timni omi Nyasaye duong’ e yorego, sama in e chokruog-distrikt ma higa 2009!—1 Pet. 2:12.
[Sanduk manie ite 5]
Seche mag Program:
Tich Ang’wen
(Chokruok Moriwo Pinje Kende)
7:20 odiechieng’ - 10:55 odhiambo
Tich Abich kod Ngeso
3:20 okinyi - 10:55 odhiambo
Jumapil
3:20 okinyi - 10:00 odhiambo