Tisenkoai je xi ʼmiyalai Biblia nga katafi kjoajtín

Kʼianga biyojtián kʼoati ʼyaxkoán Niná (Sl 22:22). Kʼianga biyojtián nga ʼyaxkoán Jeobá tsjoa satío tokoán kʼoa tsee kjoanichikontʼain sʼená (Sl 65:4). Kʼianga fi kjoajtín je chjota xi Biblia ʼmiyalee sa nʼio sa nʼio satío kjoamakjainle.

Koaan kjitʼa kʼoakʼuínlee je xi Biblia ʼmiyalee nga katafi kjoajtín. Koaan koakolee je video Jméni xi ma kʼianga biyojtínjin kʼoa kʼuínyalee jokji kjoanda sokóná nga mangián kjoajtín (lff kjoaʼmiya 10). Koaan kʼoéyanajmílee jmeni xi koanjinná nga tsangián kjoajtín kʼoa tsakuije̱ jmeni xi kjoaʼa xi ngindia. Kʼoailee je xi ʼmiyalee Biblia je xo̱n xi maxkia nga satíoná kjoajtín kʼoa tsa maije̱ koakolee ya JW Library® jñani “Reuniones” tso. Kʼoati koa̱n kuisenkoaa jñani ñʼai male. Tobʼelañá, koaan kʼoakʼuínlee nga ñá kjuinkoaa. Ninga tse kjoama̱ sʼe̱nginá nga kuisenkoaa je xi ʼmiyalee Biblia, tsjoa sʼe̱ tokoán nga jekoai títjon kjoajtín (1Co 14:24, 25).

KʼIANGA JECHÓTSENLAI JE VIDEO KUINYAKOAA JE XI ʼMIYALEE BIBLIA NGA KATAFI KJOAJTÍN, CHÓTʼAYAJIN KJOACHJONANGI JEBI:

• 

  Kʼiáni kʼoakitsole Rita je Coral nga katafi kjoajtín.

• 

  Ánni nga tsjoa satíoni tokoán nga fi kjoajtín je chjota xi Biblia ʼmiyalee.

• 

  Jókisʼe kon je Coral kʼianga tosʼa kitítjon kjoajtín.