Jmeni xi koa̱n chótʼayá

Xi kuinyakao xtiʼndí nga skótʼaya

Kui xá kjinele xi xijchá ma nga kuitsoyale ʼndíxtile xi tʼatsʼe Jeobá (Efes. 6:4). Nkjín koya jmeni xi tíbʼasje naxinandále Niná xi kuinyakao xi xijchá ma nga kuitsoyale ʼndíxtile. Jmé xi koa̱n sʼin.

• Jñáni koa̱n kjoásjaiyai. Yaa jw.org faʼaitʼa ngayeje video xi tʼatsʼe xti kao tʼatsʼe xtiʼndí, faʼaitʼa video kao xo̱n xi koa̱n kʼoasje nga skítʼa kʼoa tsa sikʼiya.a Tjasjai jñani “Xi tsoya Biblia” tso, xijekoa̱n jñani “Xti” kao jñani “Xtiʼndí” tso.

• Tjasjai xi ngisa koasenkao je xtili. Tisennelai jñani “Xtiʼndí” tso, koaan kui chótʼai jñanile xi ngisa koasenkao je tiʼndíli.

• Tʼinyalai xtiʼndíli. Ali tsa tokuijin xá bakonilai nga tokui kʼoetsaojinkao je video kao xi kjaʼaísanile. Tosaa ñatjen chótʼayajion kao xtiʼndíli kʼoa tʼinyalai nga katasímiyo je Jeobá.