AKENI MBUNGE KU CIPANGI CA KWAMBULULA | BYUMA BIMIKWASA MULIKUWE CIPANGI CA KWAMBULULA
Kwaseni Bamukalilongesa Nabo Mbimbiliya Bakunguluke
Biwano bya cikungulukilo byapwa bya seho manene mu kulemesa kwa busunga. (Mya 22:22) Yehova akabezikisa boshe baje bakakunguluka hamo kumulemesa, co bakapu ba kubwahelela. (Mya 65:4) Baka-kulilongesa Mbimbiliya baje bakakunguluka simbu yoshe bakebo bakakolo bwasi ku sipilitu.
Mwasa kukwasa bati imukalilongesa nendi Mbimbiliya mangana ashangumuke kukunguluka? Twaleleleniho kumulanya. Mumweseni vidio ya Bika Bikalingiwa ku Njibo ya Bumwene? Mulumbunwineni bubwa bwa kuya ku biwano. (lff cilongesa 10) Mwasa kumulekako bimunalilongesele ku biwano bya kunima, nambe kumulekako bimukalilongesa ku biwano binatako. Mwaneni mabulu atukapangesa ku biwano. Mukwaseni mu ngila yoshe yoshe. Mwasa kumwambatako mu munyau weni nambe kwendela hamo nendi mangana awaniweko ku biwano.—1 Ko 14:24, 25.
KENGENI VIDIO YA KWASENI BAMUKALILONGESA NABO MBIMBILIYA BAKUNGULUKE, KUTUNDAHO, KUMBULULENI BIHULA BINATAKO:
Bika byakwasele Neeta awane ngila ya kulanya Jade ku biwano bya cikungulukilo?
Mwafwa bika tukabwahelela nga munu uje acililongesa Mbimbiliya aija ku biwano?
“Mwa busunga Njambi ali neni kuno”
Bika byakalimwenenene Jade mwaile ku biwano lwakulibanga?