¿WIˈIXË BIIBLYË JYËNAˈANY?
¿Wiˈix njäjtëm ko nˈoˈkëm?
NÄÄGË JÄˈÄY TMËBËKTË ko jukyˈäjtˈadëtsëm wiinktsoo ko nˈoˈkëm, per ta diˈib winmääytyëp ko jabäät jyëjpkëjxtäˈäy. Ets mijts, ¿wiˈix mˈokwinmay?
BIIBLYË JYËNAˈANY
“Oˈkpë nitii tkanijawëdë” (Eclesiastés 9:5). Pääty ko nˈoˈkëm kyaj mä nekyyajpatëm.
¿WIˈIXË BIIBLYË YˈAKJËNÄˈÄNY?
Jyënaˈany ko ja tim jawyiimbë yetyëjk, Adán, naxway jyëmbijty ko yˈoˈky (Génesis 2:7; 3:19). Nanduˈun tyamë jäˈäy jyëmbity ko yˈooky (Eclesiastés 3:19, 20).
Ko tuˈugë jäˈäy yˈooky, ta Dios myaˈkxtäˈäyëty ja pyoky kyaytyey (Romanʉs 6:7). Ko yˈoˈknë, kyaj nyekyyajtukumëdoy ja pyoky kyaytyey.
¿Mbäädë oˈkpë jyukypyëktë?
¿WIˈIX MˈATSOOWËMBITËT?
Mbäät
Kyaj
Waˈan
BIIBLYË JYËNAˈANY
“Dios dyajjikypyëkäˈäny tëgekyë oˈkpë” (Apostʉlʉty 24:15).
¿WIˈIXË BIIBLYË YˈAKJËNÄˈÄNY?
Biiblyë xëmë tˈijxkijpxyë oˈkën extëm ko tuˈugë jäˈäy myaˈay (Fwank 11:11-14). Dios mbäät dyuxyë jäˈäy diˈib të yˈooky, duˈun extëm ëtsäjtëm mbäät nˈyujxëm tuˈugë jäˈäy diˈib määp (Job 14:13-15).
Mä Biiblyë kanääk japë jäˈäy yajmaytyaˈaky diˈib jukypyëjktë, tyäˈädë yëˈë xyajnayjäˈäwëm seguurë ko jukypyëkandëbë oˈkpë (1 Reyes 17:17-24; Lukʉs 7:11-17; Fwank 11:39-44).