Tukˈixë jäˈäy wiˈixë Biiblyë yaˈëxpeky ko tim jawyiin xymyëtmaytyäˈägët

Ko jäˈäy yaˈˈawanë ets tˈëxpëktëdë Biiblyë, ta nääk yˈatsowdë ko kyaj ttsojkënyëˈattë o ko nan tap tˈëxpëktë mä tsyäjptëjk. Wyinmaytyë ko nyijäˈädëp wiˈix yaˈëxpekyë Biiblyë, per kyaj tnijawëdë ko ëtsäjtëm jantsy oy mëdë jäˈäy nˈëxpëjkëmë ets ko mbäät tijaty tnijawëdë. Pääty kyaj yˈoyëty ets jeˈeyë nˈawäˈänëmë ëxpëjkën, oy ko ndukˈijxëm tuk minutë majtsk minutë wiˈix nyaˈëxpëjkëmë jäˈäy. Nˈokpëjtakëm tuˈugë ijxpajtën, duˈunxyëp extëm xyˈanëëmë tuˈugë jäˈäy: “Njäjtypyëts nyaˈoyëdë kaaky tojx, per jats tuk texy nˈokmëminët ets xyˈokjawët”. ¿Kedii oyxyëp ko netyë ndukjäˈäjëm waanë? Tyä yajnigajxy wiˈix mbäät nduˈunëm extëm jyënaˈanyë Nuestro Ministerio del Reino diˈib eneerë 2006 pajina 6:

“¿Waˈandaa jyäˈtët näˈä ja tiempë mä yˈadëwëdë tyäˈädë ää ayuk? [Käjxë Isaías 33:24, ets waˈan tˈatsoojëmbity.] Okˈix wiˈixë tyäˈädë yää yajnimaytyaˈaky”. Moˈoy ja jäˈäy tuˈugë liibrë ¿Ti tukniˈijxëbë Biiblyë?, ets tukˈix mä pajina 36, parrafo 22. Ta net xykyäjxët ja yajtëˈëwën diˈib miimp nekyˈëxˈääy, ets xyˈanëëmët: “Tyamëts ngäjxäˈäny ets ja mijts xyˈixët mä yaˈˈatsoojëmbitäˈäny”. Ta jatëgok xyajtëwët ets xymyëdooˈitët wiˈix tˈatsoojëmbity. Ta xykyäjxtët ja tuˈugë tekstë. Anëëmë ti yajtëˈëwën mˈatsoojëmbitaampy ko jatëgok mjëmbitët, ets naygyäjxëdë näˈä mbäät xynyijëmbity. Ko duˈun xytyunët, ¡të naty xyaˈëxpëjktsondaˈaky tuˈugë jäˈäy!