Nˈoktukniwijtsëm tyam parë nyajmëjwindëjkëmë Diosë tyuunk
1. ¿Ti mbäät nduˈunëm mä yajjamyatsäˈänyë Jesusë yˈoˈkën xëë, ets wiˈix ja tuk peky mbäät nyaˈijxëm ko nmëjjäˈäwëm?
1 Jëmëjt jëmëjt yajjamyetsyë Jesusë yˈoˈkën xëë ets ja mä nanduˈun mbäät nmëjkumäˈäyëmë Jyobaa Dios (Sal. 109:30). Pääty, nˈokˈyajmëjwindëjkëmë Diosë tyuunk marsë poˈo, duˈun ja tuk peky nyaˈijxëm ko nmëjjäˈäwëm ko të nyajjuˈuybyëtsëˈëmëm. Pes tyamën ttiempëty parë mbäät ndukniwijtsëm (Pro. 21:5).
2. ¿Wiˈix näägë nmëguˈukˈäjtëm ojts nyayjawëdë ko tnijäˈäjëdë ko abril mbäät tyundë prekusoor ausilyaar ets tkëyaktët 30 oorë? Ets mijts, ¿wiˈix ojts mnayjawëty?
2 Prekusoor ausilyaar. Junktëˈëy agujk jotkujk ojts nnayjäˈäwëm ko abril poˈo ojts nyajtukˈawäˈänëm ko mbäät nduˈunëm prekusoor ausilyaar ets ngëyäjkëm 30 oorë. Pääty tuˈugë nmëguˈukˈäjtëm jyënany: “Kyajnëmëts nduny prekusoor regulaar, mët ko kyajnëmëts nˈëxpëjkpëtsemy. Per abril kom jeˈeyë yaˈˈamdoy 30 oorë, jats ndunäˈäny prekusoor ausilyaar, per tëjëtsë nwinmäˈäny nbëjtaˈaky parëts nyajkäˈpxäˈäny 50 oorë”. Nanduˈun jyënany ja tuˈugë nmëguˈukˈäjtëm diˈib xëëˈam tuump: “¿Iˈpx mäjk oorë? ¡Mbäädëts duˈun nduny!”. Ja tuˈugë nmëguˈukˈäjtëm diˈibë jyëmëjt 80 diˈibë nety të yˈoktuumbë kanäk jëmëjt prekusoora regulaar jyënany: “¡Xëmëts jatëgok të njatunäˈäny prekusoora! Jyobaa nyijäˈäp ko yëˈë tadë tuunk diˈibëts mas ndukxondak”. Mä taˈadë poˈo, nan tamˈäjtë nmëguˈukˈäjtëm diˈib yajmëjwindëjkëdë Diosë tyuunk oy kyamadaktë tyundët prekusoor ausilyaar.
3. ¿Tiko yˈoyëty nduˈunëm prekusoor ausilyaar marsë, abril ets mayë?
3 Marsë ja mbäät jatëgok nduˈunëm prekusoor ausilyaar ets mbäät nˈijxëm nuˈun ndunäˈänëm pën 30 oorë o 50 oorë. Ets sääbëdë 17 äämbë marsë, ja ogäˈän yajwowäˈänyë jäˈäy parë nyëjkxtët mä yajjamyatsäˈänyë Jesusë yˈoˈkën xëë, 5 äämbë abril. Ets mbäät ja nmëguˈukˈäjtëm diˈibë nety të tyundë marsë prekusoor ausilyaar, tpëjtäˈäktë wyinmäˈäny parë yˈaktundët abril ets mayë ets tkëyaktët 50 oorë.
4. ¿Tijaty mbäät xytyundë parë xyajmëjwindëkëdë Diosë tyuunk? ¿Ets wiˈix nëjkx ndukˈoyˈäjtëm?
4 Ko nety jatëgok mDiosˈawdattë mëdë mFamilyë, oyxyëp ko xynyimaytyäˈäktë wiˈix mbäät xyajmëjwindëkëdë Diosë tyuunk mä yajjamyatsäˈänyë Jesusë yˈoˈkën xëë (Pro. 15:22). Anëëmë Jyobaa ets mbudëkëdët parë duˈun xytyundët (1 Fwank 3:22). Ets ko xyajmëjwindëkëdë Diosë tyuunk, duˈun nëjkx xyajmëjpëtsemyë Jyobaa Dios ets nanduˈun nëjkx mnayjawëty agujk jotkujk (2 Kor. 9:6).