Nˈoknayjäˈäwëm mas jotkujk marsë, abril ets mayë
1. ¿Wiˈix mbäät mnayjawëty mas jotkujk marsë, abril ets mayë?
1 ¿Mnayjawëyanëp mas jotkujk marsë, abril ets mayë? Tuk pëky wiˈix mbäät mnayjawëty mas jotkujk, yëˈë ko niˈigyë xyajtunëdë mdiempë mä Diosë tyuunk, mbäät axtë mduny prekursoor ausilyaar. ¿Tiko myajnayjawëyaˈanyëty mas jotkujk?
2. ¿Tiko mas jotkujk nnayjäˈäwëm ko nyajmëjwindëjkëmë Diosë tyuunk?
2 Nayjawëdë mas jotkujk. Jyobaa ojts xyajkojëm parë nnayjäˈäwëm agujk jotkujk ko nmëduˈunëm (Luk. 11:28). Nan ojts xyajkojëm parë nnayjäˈäwëm jotkujk ko nbudëjkëmë jäˈäy (Apos. 20:35). Ets ko ngäjpxwäˈkxëm, majtsk pëky diˈib nduˈunëm: nˈawdäjtëmë Dios ets nbudëjkëmë jäˈäy. Pääty, ko mas niˈigyë nbëtsëˈëmëm tëjkˈayeˈebyë, mas jotkujk nnayjäˈäwëm. Niˈigyë nanduˈun tijaty njäjtëm, kakpë tsëˈëgë ets kyaj nëgoo wiˈix nˈoknayjäˈäwënë. Nan awatsp kanäk pëkyë jënˈää tëjkˈää parë ngäjpxwäˈkxëm ets nyaˈëxpëjktsondakëmë jäˈäy. Tukëˈëyë tyäˈädë, yëˈë diˈib xyajnayjäˈäwëm agujk jotkujk.
3. ¿Tiko yˈoyëty marsë ets abril nduˈunëm prekursoor ausilyaar?
3 Oy ko marsë ets abril nduˈunëm prekursoor ausilyaar, pes mbäät nwinˈijxëm pën tunäˈänëm 30 oorë o 50 oorë. Nan ja mä ogäˈän wyäˈkxäˈänyë inbitasyonk mä yajjamyatsäˈänyë Jesusë yˈoˈkën xëë. Ja tsyondäˈägäˈäny sääbëdë 22 äämbë marsë axtë lunës mäjmäjkts äämbë abril, ko nety yajjamyetsy ja Jesusë yˈoˈkën xëë. Jantsy mayë tuunk yˈitäˈäny mäjatyë naymyujkën, ets jantsy nimayë nmëguˈukˈäjtëm tuˈugyë tyunäˈändë parë dyaˈˈabëtsëmäˈändë ja territooryë nuˈun ja tiempë të yajtukniwitsë (Sof. 3:9).
4. ¿Ti mbäät xytyuny pën mdunäämp prekursoor ausilyaar?
4 Nayjëjpˈixëdë. Pën kyajnëm mˈity listë, mbäät xyˈixy wiˈix xytyukniwitsëyaˈany ja mdiempë parë mbäät niˈigyë xymyëdunyë Dios tuk poˈo o kanäk poˈo. Mënuˈkxtäˈägë Jyobaa (Sant. 1:5). Nimaytyäˈäk mëdë mfamilyë ets mëdë nmëguˈukˈäjtëm diˈib mä naymyujkën (Prov. 15:22). Mbäät mnayjawëty agujk jotkujk ko mdunët prekursoor ausilyaar, oy mduny xëëˈam o mbëky mˈixyëty.
5. ¿Wiˈix wyimbëtsëmäˈäny ko nyajmëjwindëjkëmë Diosë tyuunk marsë, abril ets mayë?
5 Jyobaa tsyejpy ets pënaty mëduunëp nyayjawëdët agujk jotkujk (Sal. 32:11). Pën nduˈunëmë mëjää parë niˈigyë nyajmëjwindëjkëmë Diosë tyuunk marsë, abril ets mayë, ta kyaj jeˈeyë ëtsäjtëm nëjkx nnayjäˈäwëm jotkujk, nanduˈunën ja nDeetyˈäjtëmë tsäjpotmëdë (Prov. 23:24; 27:11).