Nˈokˈyajtuˈunëmë trataadë parë nyajwäˈkxëm ja oybyë ayuk
1. ¿Wiˈixë Diosë kyäjpn dyajtunyë trataadë?
1 Diosë kyäjpn kanäk jëmëjt kujk dyajtunyë trataadë parë dyajwäˈkxtë oybyë ayuk. Mä jëmëjt 1880, ja ogäˈän dyajpëtsëëmdë trataadë C. T. Russell mëdë myëguˈuktëjk, parë dyajwäˈkxtët pënaty kyäjpxtëp ja rebistë Watch Tower. Jëjpˈamë nety dyajtundë trataadë diˈib inglés yajtijp tract, pääty mä jëmëjt 1884 ko Russell ojts tˈregistraraty ja organisasion gobiernë windum, ja txëëmooy: Zionˈs Watch Tower Tract Society (diˈib tyam yaˈixyˈäjtp Watch Tower Bible and Tract Society of Pennsylvania). Tyäˈädë organisasion yëˈë nety yajmëjwindëkëyaambyë Diosë tyuunk kyaj parë tganaratäˈändë meeny sentääbë. Mä jëmëjt 1918, diˈib yˈËxpëjktëbë Biiblyë ja ojts dyajwäˈkxtë 300 miyonk naxyë trataadë. Ets tyam, nan duˈunyëm nyajtuunkpatëmë trataadë mä ngäjpxwäˈkxëm.
2. ¿Tiko yˈoyëty trataadë?
2 ¿Tiko yˈoyëty trataadë? Trataadë ixy kaˈixy jyantsy myiny. Yˈoyˈijxypyë jäˈäy, ets mëjwiin kajaa nyikejy diˈib myaytyakypy oy waanë letrë tmëminy. Etsë jäˈäy mas dyajwëˈëmäˈändë tuˈugë trataadë ets kyaj dyuˈunëty tuˈugë rebistë o liibrë. Axtë mbäät tkëyaktë ënäˈkuˈunk ets diˈib näämnëm tëjkëp käjpxwäˈkxpë. Ets kom mutsk, mbäät oymyääjëty nmënëjkxëm.
3. Nimaytyäˈäk tuˈugë mˈeksperiensyë o diˈib miimp mä ëxpëjkpajn diˈib xytyukˈijxëm ko mëjwiin kajaa tsyobäätyë trataadë.
3 Mayë jäˈäy të tnijawëdë tëyˈäjtën mët yëˈëgyëjxmë trataadë. Extëm nˈokpëjtakëm, tuˈugë toxytyëjk diˈib Haití ojts tuˈääy tˈixy tuˈugë trataadë, ta ojts tkonëˈëky, ets ko ojts tkajpxy, ta jyënany: “¡Tyäˈädë duˈun ja tëyˈäjtën!”. Ok, ta ojts nyijkxy mä tyuˈukmuktë Jyobaa tyestiigëty, ta ojts tyëkë ëxpëjkpë ets axtë nyëbejty. ¡Tyuun jyäjtë duˈun mët ko ojts tkajpxy tuˈugë trataadë diˈib myëmiimbyë Diosë yˈAyuk!
4. Ko yaˈˈawanëdë trataadë mä tuˈugë poˈo, ¿ti mbäät nmëdäjtëm winmäˈänyoty?
4 Ko ngäjpxwäˈkxëm tëjkmdëjkm. Trataadë yëˈë tuˈugë oybyë tuumbajn mä ngäjpxwäˈkxëm, pääty nobiembrë ja ogäˈän yajkëyakäˈäny, ets yëˈë yaˈˈawanëyäämp näˈä ganäˈäty mä tuˈukpë poˈo. Per kyaj net jeˈeyë ngëyäjkëm tëjkmdëjkm, tsojkëp nmëtmaytyakëm ja jäˈäy. Pën ja jäˈäy yˈoymyëdoopy mä tim jawyiin nmëtmaytyakëm o mä jatëgok nnijëmbijtëm, mbäät ndukˈijxëm wiˈixë Biiblyë yaˈëxpëky mëdë liibrë ¿Ti tukniˈijxëbë Biiblyë? o wiinkpë ëxpëjkpajn. ¿Wiˈix mbäät nˈawäˈänëmë trataadë? Oy ko jawyiin nnijäˈäwëm tijaty myaytyakypy diˈib ngëyakäˈänëm.
5. ¿Wiˈix mbäät nˈawäˈänëmë trataadë ko ngäjpxwäˈkxëm tëjkmdëjkm?
5 Parë nyajtëjkëmë maytyaˈaky, tsojkëp jawyiin nˈijxëm diˈibë trataadë nˈawanëyäˈänëm, ets wiˈix ja territooryë yajpääty. Mbäät jawyiinë jäˈäy nmoˈoyëm ja trataadë. Waˈan tˈoyˈixët ja dibujë diˈib nikëjxy myëmiimpy. Ets pën yajpatëm mä tuˈugë territooryë mä jäˈäy kyaj tyëjk dyaˈˈawäˈätstë, mbäät ndukˈijxëm ja trataadë o nyajtëˈëwëm pën mbäät nyajnäjxëm yˈagäjpatkëˈëy ets nyajtëˈëwëm wiˈix tˈixy. Pën ja trataadë yëˈë myëmiimpy tuˈugë yajtëˈëwën, mbäät nˈanmäˈäyëm wiˈix tˈatsoojëmbitët o mbäät nduˈunëmë wiinkpë yajtëˈëwën diˈib nyijäwëyäˈänëp ets mëët nyajtsondakëm ja maytyaˈaky. Ta net ngäjpxëm waanë diˈib myaytyakypy ja trataadë, ets nˈawijxëm parë tˈatsoojëmbitët ja yajtëˈëwën diˈib jam miimp o nyajtëˈëwëm wiˈix wyinmay. Nan oy ko nwinˈijxëm diˈibë tekstë ngäjpxäˈänëm. Ets ko nyajjëjpkëjxëm ja maytyaˈaky, nˈokˈanmäˈäyëm näˈä jatëgok njëmbitäˈänëm ets ti oorë. Pën ja naymyujkën myëdäjtypyë kostumbrë tnikaˈagëdë trataadë mä kyaj pën yajpääty, ta nbëjtakëm mä kyaj wiink jäˈäy tˈixët.
6. ¿Wiˈix mbäät nˈawäˈänëmë trataadë ko ngäjpxwäˈkxëm nëˈääy tuˈääy?
6 Ko ngäjpxwäˈkxëm nëˈääy tuˈääy. ¿Të xyajtunyë trataadë ko mgäjpxwaˈkxy nëˈääy tuˈääy? Näˈäty, jantsy jotëgoobyë jäˈäy ets kyaj wyäˈkwëˈëmë parë nmëtmaytyakëm, ets tsip nnijäˈäwëm pën tsyojkënyëˈajtypyë Diosë yˈayuk. Pääty, oy ko jäˈäy nmoˈoyëmë trataadë en lugäärë rebistë jembyë, pes kyaj nnijäˈäwëm pën nëjkxëp tkajpxy. Per ko tˈoyˈixët ja trataadë, ets tˈixët ko kyaj nëgoo letrë tmëminy, mbäät tkajpxy ko ja tiempë tmëdatët. Per pën ja jäˈäy, tëjkëp käjpx maytyakpë mët ëtsäjtëm, mbäät ndukmëtmaytyakëm tijaty myëmiimpy ja trataadë.
7. Nigäjpx tuˈuk majtskë ijxpajtën diˈib xytyukˈijxëm wiˈix mbäät nyajtuˈunëmë trataadë oytyim määjëty.
7 Ko ngäjpxwäˈkxëm oytyim määjëty. Ko nyajtuˈunëmë trataadë kyaj tsyiptaˈaky nmëtmaytyakëmë jäˈäy oytyim määjëty. Tuˈugë nmëguˈukˈäjtëm xëmë tmëtsoonyë trataadë ko muum nyijkxy. Ets ko net pën tpääty, extëm diˈib toˈkp mä tiendë, ta tmoˈoy tuˈugë trataadë parë tkäjpxët. Jatuˈugë kasäädë jäˈäy diˈib ojts nyëjkxtë pasyalˈäjtpë Nueva York, ojts tmënëjkxtë foyetë diˈib xëˈäjtp Naciones ets mayë trataadë diˈib kanäk ayuk, mët ko nyijäˈäwëbë nety ko mayë jäˈäy tpäädäˈändë diˈib tsoˈondëp wiink paˈis. Ets niˈamukë diˈib ojts tmëdoogajpxy wiink ayuk, ta tmoˈoy tuˈugë trataadë mä yˈayuk, oy yëˈëjëty diˈib toˈk yäjktëp nëˈääy tuˈääy, diˈib poˈkxtëp mä parke, o diˈib kääy uktëp mä kaaky tojkx yajtooky.
8. ¿Tiko yaˈijxkijpxyë trataadë mëdë tëëm?
8 “Niˈip ja mdëëm.” Trataadë duˈun extëmë tëëm. Tuˈugë kamduump ujtstuumbë kajaa jyantsy nyiˈipy yëˈë ko kyaj tnijawë mä wyindëwäˈäny ja pyëjtaˈaky. Pääty, mä Eclesiastés 11:6 jyënaˈany: “Niˈip ja mdëëm jopyëp ets axtë tsuubäät këdii ja mgëˈë xyajpoˈkxy; pes kyaj xynyijawë mä yˈoybyëtsëmäˈäny, waˈan yä o waˈan xim, o waˈan majtsk pëky yˈoybyëtsëmäˈäny”. Pääty, nˈokˈyajwäˈkxˈadëtsëm ja tëyˈäjtën diˈib miimp mä trataadë (Prov. 15:7).
[Dibujë mä pajina 3]
Trataadë yëˈë tuˈugë oybyë tuumbajn mä nˈëwäˈkx ngäjpxwäˈkxëm, pääty nobiembrë ja ogäˈän yajkëyakäˈäny, ets yëˈë yaˈˈawanëyäämp näˈä ganäˈäty mä tuˈukpë poˈo.