¿Pënaty tyam tyuundëp ti Jyobaa tsyejpy?

1. ¿Wiˈix xypyudëkëyäˈänëm mä yaˈëxpëkäˈänyë foyetë Ti Jyobaa tsyejpy?

¹ Tyäˈädë foyetë ¿Pënaty tyam tyuundëp ti Jyobaa tsyejpy?, yëˈë yaˈëxpëkäämp mä Yaˈëxpëkyë Biiblyë mä Naymyujkën. Tyäˈädë jembyë foyetë diˈib pëtsëëm mä asamblee tëgëk xëëbë “Nˈokkuentˈäjtëmë korasoon”, të kyojy parë nbudëjkëm pënaty nyaˈëxpëjkëm ets tyëkëdët mä Diosë kyäjpn. Ko nety nˈëxpëjkëmë tyäˈädë foyetë, ta niˈigyë nmëjjawëyäˈänëm ko ndukˈijtëmë Diosë kyäjpn ets nnijawëyäˈänëm wiˈix mbäät nyajtuˈunëm mä jäˈäy nyaˈëxpëjkëm (Sal. 48:13).

2. Nimaytyäˈäk wiˈix yaˈëxpëkäˈänyë foyetë ¿Pënaty tyam tyuundëp ti Jyobaa tsyejpy?

² ¿Wiˈix yaˈëxpëkäˈäny? Pën patëp dyajnaxëdë tyäˈädë foyetë, oy ko tˈixët wiˈix dyajtunyë tiempë parë tnimaytyaktäˈäyët tuˈuk tuˈugë maytyaˈaky. Yëˈë jawyiin kyäjpxëp ja yajtëˈëwën diˈib miimp mä titulo. Ets ko ja diˈib kyajpxypyë parrafo tkäjpxtäˈäyët ja tim jawyiimbë parrafo, ta ja nmëguˈukˈäjtëm diˈib yajnäjxypy, ttunët tuˈugë yajtëˈëwën diˈib këˈëm të twinmay. Ets ko tuˈuk tuˈuk yajkäjpxtäˈäyët diˈib ak miimp, ta net abëky yajnimaytyäˈägët diˈib yëkaty ets nan abëky ja parrafo. Ja diˈib yajnäjxypy, ta dyajtëwët wiˈixë parrafo tˈatsoojëmbity ja yajtëˈëwën diˈib miimp mä ja titulo. Pën jamë tiempë, ta yajkäjpxëdë tekstë diˈib jëjpˈam. Tyäˈädë foyetë nan myëmiimpy jantsy mayë dibujë parë nimaytyakëm. Mä kyatsondaˈakynyëm jatuˈugë ëxpëjkën, ta diˈib yajnäjxypy dyajtëwët diˈib miimp tim abatkëˈëy parë nˈajamyajtsëm. Pën myëmiimbyë rekuäädrë “Parë niˈigyë xynyijawët”, ta tkäjpxët diˈib kyajpxypy parrafo ets ta net yaˈˈanëëmëdë nmëguˈukˈäjtëm ets tnimaytyäˈäktët wiˈix pyudëkëyäˈänëdë ja diˈib yaˈëxpëjkypy ko ttunët extëm jyënaˈany mä rekuäädrë. Ets pën jamë tiempë, ta ja diˈib yajnäjxypy dyajtëwët jatëgok diˈib miimp mä titulo. Duˈun yaˈëxpëkäˈänyë tyäˈädë foyetë mä Yaˈëxpëkyë Biiblyë mä Naymyujkën, per kyaj tyimjëjpˈamëty parë nanduˈun nyajtuˈunëm ko nety nyaˈëxpëjkëmë jäˈäy.

3. ¿Wiˈix mbäät mëjwiin kajaa xypyudëjkëm ko nˈëxpëjkëmë tyäˈädë foyetë?

³ Parë mëjwiin kajaa xypyudëjkëm ko yaˈëxpëkäˈänyë tyäˈädë foyetë, tsojkëp jawyiin yajxon nˈëxpëjkëm ets nduˈunëmë mëjää parë ngomentaräjtëm. Mä jam nˈëxpëjkëm, oy ko nwinmäˈäyëm wiˈix pyudëkëyaˈanyëty ja diˈib nyaˈëxpëjkëm. Ko nˈëxpëjkëmë tyäˈädë jembyë foyetë yëˈë xytyukniˈˈixëyäˈänëm wiˈix mbäät nbudëjkëmë wiinkpë parë ttundëdë Diosë tyuunk ets tpäättëdë jukyˈäjtënë winë xëë winë tiempë (1 Fwank 2:17).