Nˈokˈagëˈë nˈokˈaxäjëm pënaty nwoˈowëm

Marsë 23 äämp, ja nˈawijxëm myindët naa 12 miyongën pënaty të nwoˈowëm mä yajjamyatsäˈänyë Jesusë yˈoˈkën xëë. Ja diˈib yajnäjxypyë diskursë tnimaytyäˈägäˈäny ko Jyobaa të xymyoˈoyëm tuˈugë regalë ko të xyjuuybyëtsëˈëmëm ets mbäät niˈamukë ndukˈoyˈäjtëm (Is. 11:6-9; 35:5, 6; 65:21-23; Fwank 3:16). Per ja diˈib yajnäjxypyë diskursë, kyaj yëˈëyë dyajnigëxëˈëgäˈäny ko mëjë tyäˈädë xëë. Ëtsäjtëm nan mbäät nyajnigëxëˈkëm ko nˈagëˈë nˈaxäjëm tsuj yajxon pënaty miindëp (Rom. 15:7). Min nˈokˈijxëm wiˈix mbäät nduˈunëm.

• Kyaj jeˈeyë naxwaˈtsëm ets nˈawijxëm parë tsyondäˈägët, agëˈë axäjë pënaty të yajwowdë ets pënaty kyaj yˈoktuˈukmujknëdë. Mmëtxiˈik mëtxon ets it ajiiky amëguˈuk.

• Agëˈë axäjë pënaty të xywyoy, per nan ix pënaty jäjttëp mët ko të yajmoˈoytyë tuˈugë inbitasyonk. Anëëmë parë mëët mˈuˈunyëdët ets ijxmuktë mëdë mBiiblyë etsë mˈëy nyeky.

• Ko kyëxët ja diskursë, ix pën jam ti dyajtëwäˈäny. Per pën kyaj nëgoo tiempë mët ko wiinkpë tyëkëyäˈändë, ta ja jäˈäy xyajtëwët näˈä jatëgok mëët mnaybyäädëdët. Mbäät xyˈanëëmë: “Njanijawëyaambyëts wiˈix të xymyëdoy. ¿Mbäät ninëjkxy mä mdëjk parë nˈakmaytyakëm?”.