Mä yˈAyoˈonduujy axtë mä israelitë yˈawäˈätspëtsëëmdë Ejiptʉ

Jeˈeyë niduktujkë jäˈäy ojts tsyokweˈemy mä ja Ayoˈonduu, per ok ta ojts jyäjnëdë milˈam. Ta myaxuˈunkˈäjtyë Abra̱a̱n, ja nety kujk nyaxy ja tiempë 352 jëmëjt, mä nety të yˈAyoˈonduˈuy. Nijawëyäˈänëm wiˈixë Dios tkuytyuuny diˈib tyukwandakë Abra̱a̱n ko tmoojy tuˈugë yˈuˈunk diˈib xyëˈäjt Isa̱a̱. Ja Isa̱a̱ nimajtskë yˈuˈunk tmëdäjty, per tuˈuk diˈibë Dios wyinˈijx, yëˈë Jakoob.

Jakoob nimayë yˈuˈunk yˈënäˈk tmëdäjty, nimäjmajtskë myäänk ets abekyë nyëëx. Ja nimäjkpë myäänk yëˈë diˈib yˈaxëkˈijxtë ja yˈutsyë mas mutskpë, Josee, diˈib tyoˈktë ets nëjx yajtuumbëˈaty yajmosëˈaty jap Ejiptʉ. Ok ta Josee jyajty myëmajtsk anaˈambë jap Ejiptʉ, ets ko myiiny ja mëk yuu, ta Josee twinmäˈänyˈijxy ja myëgaˈaxëty pën të nety dyajtëgatstë jyot wyinmäˈäny. Tim ok, ta ja Jakoob mëdë fyamilyë diˈib yajtijtë israelitëty, ojts nyëjxnëdë tsënaabyë Ejiptʉ. Ko tyäˈädë dëˈën tyuun jyäjtë ja nety kujk nyaxyë tiempë 290 jëmëjt, mä nety të myaxuˈunkˈatyë Abra̱a̱n.

Ja israelitëty ja tsyënääytyë jap Ejiptʉ 215 jëmëjt. Ta ko Josee ojts yˈoˈknë ta ja israelitëty ojts yajtuumbëˈäjt yajmosëˈäjnëdë Ejiptʉ. Ok ta myaxuˈunkˈäjtyë Moisés, diˈibë Dios yajtuunë ets dyaˈawäˈätspëtsëmëdë israelitëty. Diˈib mä tyäˈädë MYËMAJTSK Peky nijawëyäˈänëm ja nyajxyë tiempë 857 jëmëjt.