Diˈibë Biiblyë nyaskäjxëp adëëp

Biiblyë kyaj jeˈeyë tnimaytyaˈaky tëyˈäjtënë diˈib tuun jäjtë tëëyëp, nandëˈën tmaytyaˈaky ti diˈib tunan jatanëp mä tiempë myiny kyëdaˈaky. Yëˈë naxwinyëdë jäˈäy kyaj mbäät tnigajxy ti diˈib miin këdakp. Pääty nijäˈäjëm ko Biiblyë yëˈë Diosë jyaˈa. ¿Wiˈixë Biiblyë jyënaˈany ti diˈib miin këdakp?

Tmaytyaˈaky ko wingoombë Diosë myëj tsip. Mä tyäˈädë tsip, ja mä Dios dyajwäˈätsäˈänyë Naxwinyëdë mët tëgekyë axëkˈäjtënë ets tëgekyë axëkjäˈäy, per kyuwäˈänaampy pënaty mëduunëp. Jesukristʉ diˈibë Dios të nyikäjxpetyëty rey, yëˈë naytyuknipëkanëp etsë Dios mëduumbë yˈittët tuˈugyë ets agujk jotkujk, ets ninäˈä kyapëk kyaˈixëdët ets kyaˈooktët.

¿Këdii xondakëm ko Dios dyajnaxkëdäˈägäˈänyë it lugäärë tsujpë yä Naxwiiny? Pääty tsojkëp nijäˈäjëm ti mbäät nduˈunëm pën jukyˈatäˈänëm mä tyäˈädë lugäärë tsujpë yä Naxwiiny. Mä kyëjxnë tyäˈädë maytyaˈaky diˈib mä liibrë, jap nijawëyäˈänëm ti mbäät nduˈunëm ets mbatëm tëgekyë tyäˈädë oyˈäjtënë diˈibë Dios myoˈoyaampy pënaty mëduunëp. Pääty käjxë MYËDUKTUJK Peky ets xynyijawët wiˈixë Biiblyë jyënaˈany ti miin këdakp.