Nobiembrë wyäˈkxäˈänyë trataadë: Diˈib nyimaytyakypyë Diosë Kyutujkën numero 38
1. ¿Ti mayë jäˈäy nayajtëëwëp diˈibë jyiiky myëguˈuk të yˈoˈknë, ets ti yajtunäämp nobiembrë parë nbudëjkëm?
1 Niˈamukë jäˈäy yˈooktë, oy wiˈixëm ja mëbëjkën tmëdattë (1 Kor. 15:26). Mayë jäˈäy nyayajtëwëdë wiˈix yajpääty ja jyiiky myëguˈuk diˈib të yˈoˈknë ets pën nëjkxëp jatëgok tˈixtë. Parë tyäˈädë jäˈäy nbudëjkëm, tim tsojk wyäˈkxtsondäˈägäˈäny abëtsemy nyaxwinyëdë tyäˈädë trataadë Diˈib nyimaytyakypyë Diosë Kyutujkën numero 38, diˈib xyëˈäjtypy: “¿Mbäädë oˈkpë jyukypyëktë?”. Ja wyäˈkxtsondäˈägäˈäny 1 äämbë nobiembrë axtë ko kyëxëdë tadë poˈo. Ets ok, duˈunyëm ngëyakäˈänëm mä ngäjpxwäˈkxëm.
2. ¿Wiˈix yˈixëtyë trataadë Diˈib nyimaytyakypyë Diosë Kyutujkën numero 38?
2 ¿Wiˈix yˈixëty? Tyäˈädë trataadë Diˈib nyimaytyakypyë Diosë Kyutujkën numero 38 mbäät yajneˈeky tanëˈaampy. Wyinduuy tmëminyë titulo etsë tyäˈädë yajtëˈëwën: “¿Mjënäˈänëp ko mbäät, kyaj o waˈandaa?”. Ko xyaˈpwäˈkxët, ta ja jäˈäy tˈixäˈäny wiˈixë Biiblyë jyënaˈany ets wiˈix mbäät ttukˈoyˈaty ko tnijawët. Nan yˈixaampy tiko mbäät tmëbëky extëmë Biiblyë jyënaˈany. Ets ëxkëˈëy, nan tap tˈixäˈäny tuˈugë yajtëˈëwën parë niˈigyë tnijawëyäˈänët.
3. ¿Wiˈix wyäˈkxäˈänyë trataadë Diˈib nyimaytyakypyë Diosë Kyutujkën numero 38?
3 ¿Wiˈix wyäˈkxäˈäny? Duˈun extëm nyajwäˈkxëmë inbitasyonk mä Jesusë yˈoˈkën xëë ets mä asamblee tëgëk xëëbë. Yëˈë mëjjäˈäytyëjk nyigäjpxandëp wiˈix mbäät nyaˈˈabëtsëˈëmëm ja territooryë, extëm jyënaˈany ja neky diˈib yajtuknigajxtë 1 äämbë abril 2013. Pën tuˈugë naymyujkën kyaj nëgoo tyerritooryë, mbäät tpudëkë wiinkpë naymyujkën diˈib kajaa tyerritooryë. Ets duˈun mbäät nmënëjkxëmë trataadë extëm ngëyakäˈänëm tuk sëmään. Ets ko nety të nyajwäˈkxtäˈäyëm tëjkmdëjkm ets të nyadëkë, mbäät net nyajwäˈkxëm oytyim määjëty. Ets pën këjxp mä kyajnëmë poˈo kyexy, ta yëˈë yaˈˈawanëdë ëxpëjkpajn diˈib yajkëyakäämp nobiembrë. Mä tim jawyiimbë sääbëdë yëˈë nyajwäˈkxäˈänëmë trataadë, kyaj parë jäˈäy nyaˈëxpëjktsondakëm. Nan mbäät nˈijxëm pën sääbëdë domingë mbäädë jäˈäy nˈawäˈänëmë rebistë. ¡Nˈoktukniwinmäˈäyëm parë nobiembrë poˈo nyajwäˈkxëmë tyäˈädë trataadë!