Mä yajjamyatsäˈänyë Jesusë yˈoˈkën xëë, ¿mjotmoˈoyaampy ja tuunk extëmë Jyobaa mëdë Jesus?

1. ¿Wiˈix niˈigyë xyëë tiempë dyajtundë Jyobaa tyestiigëty ko tpäätyë tiempë mä yajjamyetsyë Jesusë yˈoˈkën xëë?

¹ Jyobaa jyotmoopy parë dyaˈˈadëy tijaty të ttuknibëjtäägë. Mä yajmaytyaˈaky ja kunuˈkxën diˈib yajminaambyë Diosë yˈAnaˈam Kyutujkën, Isaías 9:7 jyënaˈany: “Jyobaa diˈib myëdäjtypyë tsyiptuumbë jyantsy tyunaambyë tyäˈädë”. Ko Jesus jyukyˈajty yä Naxwiiny, nan yajnigëxëˈk nuˈunë nety ttsojkënyëˈaty yajjotmoˈoyëdë Diosë tyuunk (Fwank 2:13-17; 4:34). Jëmëjt jëmëjt ko yajjamyetsyë Jesusë yˈoˈkën xëë, miyonkˈamë Jyobaa tyestiigëty dyajtundë xyëë tiempë parë niˈigyë kyäjpxwäˈkxtë ets duˈun tniˈˈijxtuˈuttë extëmë Jyobaa mëdë Jesus tjotmoˈoytyë tyuunk. ¿Mjotmoˈoyaampy mä tyäˈädë jëmëjt?

2. ¿Ti nduuntsondäˈägäˈänëm 7 äämbë marsë ets wiˈix wyimbëtsëmäˈäny pën ndukˈijt ndukxoˈonëm?

² Yajwowäˈänyë jäˈäy mä yajjamyetsyë Jesusë yˈoˈkën xëë. Mä tyäˈädë jëmëjt ja jäˈäy yajwootsondäˈägäˈäny sääbëdë 7 äämbë marsë. Oy ko tyam nduknibëjtakëm parë ndukˈijt ndukxoˈonëm mä yajwowäˈänyë jäˈäy. Mëjwiin kajaa jyantsy tyunäˈändë nmëguˈukˈäjtëm, pes tyunandëbë mëjää parë dyaˈˈabëtsëmäˈändë mäjaty kyäjpxwäˈkxtë. Nˈoknayjëjpˈijxëm parë nmoˈoyëm tuˈugë inbitasyonk o ndukˈijxëm mä sitio jw.org pënaty nyaˈëxpëjkëm, pënaty nmëtmaytyakëm mä territooryë, pënaty mëët nduˈunëm, nˈeskuelëˈäjtëm etsë familyë.

3. ¿Ti mbäät nduˈunëm parë niˈigyë ngäjpxwäˈkxëm marsë ets abril?

³ Prekursoor ausilyaar. Ko njotmoˈoyëm mä ngäjpxwäˈkxëm nan yëˈë xypyudëkëyäˈänëm parë niˈigyë nyajmëjwindëjkëmë Diosë tyuunk. Seguurë ko nimay ndunäˈänëm prekursoor ausilyaar marsë ets abril, pes mbäät jeˈeyë nduˈunëm 30 oorë. Ko nDiosˈawdäjtëm mëdë familyë o ko naytyuˈuk nˈëxpëjkëm, oyxyëp ko nmënuˈkxtakëmë Jyobaa parë nˈijxëm wiˈix mbäät nduˈunëm (Prov. 15:22). Ko ndukˈijt ndukxoˈonëm mä jäˈäy yajwowäˈäny, mbäät myëjämoˈoyëtyë nmëguˈukˈäjtëm parë nanduˈun ttukˈit ttukxondët. Ko ndukniwijtsëm parë niˈigyë ngäjpxwäˈkxëm, yëˈë netyë Jesusë yˈijxpajtën nbanëjkxëm ko tjotmooyë Diosë tyuunk (Mar. 6:31-34).

4. ¿Wiˈix wyimbëtsëmäˈäny ko niˈˈijxtutëm wiˈixë Jyobaa mëdë Jesus tjotmoˈoytyë tuunk?

⁴ Pën njotmoˈoyëm ja tuunk extëmë Jyobaa mëdë Jesus mä yajjamyatsäˈänyë Jesusë yˈoˈkën xëë, jantsy oy wyimbëtsëmäˈäny. Nëjkxëp mayë jäˈäy nduknijäˈäwëmë oybyë ayuk ets nan nëjkxëp jotkujk nnayjäˈäwëm ko nmëduˈunëmë Jyobaa ets nbudëjkëmë jäˈäy (Apos. 20:35). Per diˈib niˈigyë jëjpˈam, yëˈë ko nëjkxëbë Jyobaa ttukjotkëdaˈaky mëdë yˈUˈunk tijaty nduˈunëm.