Pëjktäˈägë mwinmäˈäny parë niˈigyë mdunët mä yajjamyatsäˈänyë Jesusë yˈoˈkën xëëw

Jëmëjt jëmëjt njantsy yˈëwxijt njantsy jyëjpˈijxëm ko tpääty mä yajjamyatsäˈänyë Jesusë yˈoˈkën xëëw. Ko nety tpääty ets ko të nyäjxnë, nˈokˈëxtäˈäyëmë winmäˈäny parë Jyobaa nyajmëjpëtsëˈëmëm ko nˈëwäˈkx ngäjpxwäˈkxëm ets nˈokkuˈëˈëw nˈokkukäjpxëm ko ojts xyjyuuybyëtsëˈëmëm mët yëˈëgyëjxmë yˈUˈunk (Éfes. 1:3, 7). Extëm nˈokpëjktakëm, nwoˈow nwijtsëmë jäˈäy parë nyëjkxtët. Näägë nmëguˈukˈäjtëm tyukniwijtsëdëp nanduˈun parë tyundë prekursoor ausilyaar marsë ets abril mä tkëyaktë 30 o 50 oorë. ¿Mˈëwäˈkxäämp mgäjpxwäˈkxäämp niˈigyë mä yajjamyatsäˈänyë Jesusë yˈoˈkën xëëw? ¿Ti mbäät xytyuny?

Oy tijaty wyimbëtsëmy ko yajtukniwitsë kontiempë (Prov. 21:5). Ets kom ta wyingoonë mä yajjamyatsäˈänyë Jesusë yˈoˈkën xëëw, pääty oy ko desde tyam ndukniwijtsëm. Tukniwinmayë wiˈix niˈigyë mˈëwäˈkxäˈäny mgäjpxwäˈkxäˈäny ets ix wiˈixë net mbäät duˈun xytyuny. Ta net xyˈanëëmëdë Jyobaa parë mbudëkëdët ets duˈun xytyunët (1 Fwank 5:14, 15).

¿Wixaty mbäät xyˈakˈyajmëjwindëkë Diosë tyuunk mä yajjamyatsäˈänyë Jesusë yˈoˈkën xëëw?