Jat wiˈix oy xytyunëdë Diosë tyuunk: Yajtëgats ja maytyaˈaky extëm ja jäˈäy yaˈixy yajpääty

TIKO JYËJPˈAMËTY. Pënaty nëjkxandëp tsäjpotm ets pënaty jukyˈatandëp yä naxwiiny, wyoowdëp oytyim pënëty parë “tˈaxäjëdët [namayˈäjtën] ja nëë diˈibë yajkypy ja jikyˈäjtën” (Diˈibʉ Jat. 22:17). Tyäˈädë nëë, yëˈë yˈandijpy tukëˈëyë diˈibë Jyobaa të ttuny parë të tjuuybyëtsëmyë naxwinyëdë jäˈäy mä ja poky etsë oˈkën. Ets parë mbäät nbudëjkëm ja jäˈäy diˈib wiˈixëm ja kyostumbrë ets ja myëbëjkën, tsojkëp ndukmëtmaytyakëm ja “oybyë ayuk diˈibë winë xëë winë tiempë”, extëm mbäät niduˈuk niduˈuk tˈoymyëdoy (Diˈibʉ Jat. 14:6).

WIˈIX MBÄÄT NDUˈUNËM

• Winmay ti mnimaytyäˈägaampy ets diˈibë tekstë mbäät yˈajäˈt jyotjäˈtëty ja jäˈäy mä mgäjpxwaˈkxy. Mbäät duˈun xytyuny extëm myiny mä “wiˈixë jäˈäy nmëtmaytyakëm” o extëm mijts këˈëm të xyˈixy ko yˈoybyëtsëmy. ¿Ti jäˈäy yˈoymyëdoopy o diˈibë tekstë? ¿Ti tyamë jäˈäy kyajpxyˈäjt myaytyaˈakyˈäjttëp? ¿Ti mbäät xytyukmëtmaytyaˈaky yetyëjk o toxytyëjk diˈib yˈoymyëdowëp?

• Ko xymyëtmaytyäˈägëdë jäˈäy, ix wiˈix ja kostumbrë tmëdaty ets wiˈix nyayˈëboˈkx nyaygyäjpxpoˈkxëdë (2 Kor. 6:3, 4).

• Ix tijaty myaytyakypy ja ëxpëjkpajn ets ja bideo diˈib miimp mä ja tuumbajn parë jäˈäy nyaˈëxpëjkëm, net xytyukˈixët pënaty yˈoymyëdoopy.

• Yajjënakë ëxpëjkpajn etsë bideo mä ja ayuk diˈibë jäˈäy kyajpxypy mä mgäjpxwaˈkxy.

• Yajtëgats ja maytyaˈaky extëm ja jäˈäy yaˈixy yajpääty (1 Kor. 9:19-23). Extëm nˈokpëjtakëm, ¿wiˈix xyˈanëëmët ja jäˈäy ko xynyijawët ko të yˈooky ja jyiiky myëguˈuk?

KO NETY TË YAˈIJXTÄˈÄYË BIDEO, TA YAˈˈATSOOWËMBITËDË TYÄˈÄDË YAJTËˈËWËN:

• ¿Ti diˈibë ja nmëguˈukˈäjtëm të tnimaytyaktsoony?

• ¿Ti jotmayë nety pyatypy ja jäˈäy?

• ¿Diˈibë tekstë nety mbäät tkajpxy, ets tiko?

• ¿Wiˈix xyyajtëgatsy ja maytyaˈaky parë mbäät ja jäˈäy tˈoymyëdoy?